Azərbaycanlı gənclər dövlət və orduya dəstək məqsədilə aksiya keçirib – FOTO - VİDEO

Aprelin 6-da müxtəlif tədris müəssisəsindən olan bir qrup gənc dövlət və orduya dəstək məqsədilə aksiya keçirib.

1news.az-ın verdiyi xəbər görə, yürüş Bakıda, eləcə də Azərbaycanın bir çox şəhərlərində həyata keçirilib.

Altı minə yaxın gənclər nümayəndəsi Şəhidlər Xiyabanına qədər yürüş keçiriblər. Burada gənclər Azərbaycanın bütövlüyü və müstəqilliyi uğrunda canlarını fəda edən şəhidləri yad ediblər.

Tədbir iştirakçıları “Şəhidlər ölməz, Vətən bölünməz!”, “Azərbaycan əsgəri düşməni məhv et!”, “Şəhid anası ağlama, Şuşa bizim olacaq!”, “Azərbaycanın müstəqilliyi uğrundan canımdan keçərəm” şüarları səsləndirilib.

Burada bir faktı ­qeyd etmək olar ki, aksiyaya siyasi baxışından asılı olmayaraq gələn gənclər birmənalı olaraq xüsusi vurğulayıblar ki, onlar buraya dövlətə dəstək olaraq gəliblər. Qoy bu hərəkətdən düşmən görsün ki, Azərbaycan xalqı birdir və heç kəs buna mane ola bilməz.

“Biz – müxalifət və hakim partiyadan, müxtəlif siyasi baxış, dini əqidədən olan Azərbaycan gənclərinin nümayəndələri buraya dövlətimizi, Ali Baş Komandan, Prezident İlham Əliyevi və müdafiə naziri Zakir Həsənovu dəstəkləməyə gəlmişik.  Düşmən yatmır, o Azərbaycan xalqı arasında çaxnaşma salmaq istəyir. Lakin buna nail ola bilməyəcək. Biz buraya gəlmişik ki, müharibə, ədalət istəyirik. Düşmən tərəfindən işğal olunan torpaqlarımız azad olunmalıdır”, - Gənclər Təşkilatının sədri Müşviq Vəliyev bildirib.

Qeyd edək ki, aksiya iştirakçıları Dağlıq Qarabağda son hadisələr zamanı Azərbaycan Ordusundan şəhid olanları da yad ediblər. Hər bir şəhidi yad edərək aksiya iştirakçıları qeyd ediblər ki, şəhidlərin şanlı yolu ilə Vətən uğrunda getməyə hazırdılar.

Tədbirin sonunda iştirakçılar Azərbaycan himnini oxuyublar.

1news.az