Daxili İşlər Nazirliyi Bakıda güllələnən keçmiş məmurla bağlı məlumat yaydı
Daxili İşlər Nazirliyi Bakıda keçmiş məmurun avtomat silahla güllələnərək yaralanması ilə bağlı məlumat yayıb.
1news.az-ın məlumatına görə, məlumatda bildirilir ki, polis və prokurorluq orqanları əməkdaşlarının apardıqları əməliyyat-axtarış və istintaq tədbirləri nəticəsində aprelin 11-də paytaxtın Binəqədi rayonu ərazisində Bərdə rayon sakini Hüseyn Qasımovun istiqamətində avtomat silahdan atəş açmaqla xəsarət yetirmiş Bakı şəhər sakini, əvvəllər məhkum olunmuş Ramil Hüseynli tutulub.
Onun Binəqədi rayonu ərazisində kirayədə yaşadığı evdən “AKM” markalı silah, 22 ədəd patron və patron darağı aşkar edilərək götürülüb.
Ətrafında aparılməş tədbirlərlə R.Hüseynlinin həmin cinayəti paytaxt sakini Günel Süleymanovanın sifarişi ilə törətməsi, habelə açdığı atəş nəticəsində Akademik Zərifə Əliyeva adına Milli Oftalmologiya Mərkəzinin mühafizə otağının pəncərə şüşəsinə və Bakı şəhər sakini Xəzər Cəfərzadəyə məxsus “Niva” markalı avtomobilə ziyan dəyməsi də müəyyən edilib.
Həyata keçirilmiş tədbirlərlə G.Süleymanova da tutulub.
Mövzu ilə əlaqədar:
Bakıda sabiq məmuru güllələyən şəxslər tutulub
Bakıda Bərdə sakinini avtomat silahla yaraladılar
1news.az
