Almatıda həlak olanların sayı 5 nəfərə çatıb – FOTO – VİDEO – YENİLƏNİB
Qazaxıstanın Almatı şəhərində baş verən atışma nəticəsində həlak olanların sayı 5 nəfərə çatıb. Onlardan 3-ü polis əməkdaşı 2-si isə mülki şəxsdir.
Bu barədə terrorla mübarizə üzrə Almatı şəhər operativ qərargahının rəsmi nümayəndəsi Səltənət Azirbek brifinqdə bildirib.
Onun məlumatına əsasən, hadisəni törətməkdə şübhəli bilinən şəxs saxlanılıb. Əməliyyat zamanı o, müqavimət göstərsə də hazırda hüquq-mühafizə orqanlarının nəzarəti altındadır.
“Hadisələri bir nəfər həyata keçirib. Hazırda bütün şübhəlilər yoxlanılır. Axtarış zamanı onun üzərindən bir neçə silah aşkarlanıb”,- deyə Azirbek qeyd edib.
1news.az
15.49
Almata sakinləri-avtomobil həvəskarları sosial şəbəkələrdə iyulun 18-də avtomatla silahlanaraq baş vermiş hadisənin ehtimal edilən iştiakçısının videolarını paylaşıb.
Videolardan birində qadın sürücüyə tərəf istiqamətlənmiş avtomatlı kişi qeydə alıb. Ola bilsin ki, kişi onu saxlamaq istəyirmiş. Lakin qadın heç nə olmamış kimi yoluna davam edir. Videoda hadisə baş verən tarix və zaman da qeyd olunub – saat 11.01, iyulun 18-i, bu haqda Forbes.kz məlumat yayır.
Bundan bir neçə dəqiqə əvvəl digər videoqeydiyyatçı Abay prospekti ilə irəliləyən əli silahlı kişini lentə alıb.
1news.az
14.00
Atışma nəticəsində 3 polis əməkdaşı və silahlıların ələ keçirməyə çalışdığı minik avtomobilinin sürücüsü həlak olub.
Daha əvvəl həlak olan 3 nəfər haqda məlumat verilmişdi. Məlumdur ki, yeddi hüquq-mühafizə əməkdaşı yaralanıb. Polis əməkdaşları hücum edənin şəxsiyyətini müəyyən edib. Bu, daha əvvəllər məhkum olmuş 27 yaşlı Qızılorda sakinidir.
Xatırladaq ki, bu səhər naməlum kişi Almatanın rayon bölməsinin polis əməkdaşlarına atəş açıb. Hüquq-mühafizə orqanlarına atəş açandan sonra o, polislərin silahını götürərək qaçıb. Cinayətkarı yaxalayarkən atışma nəticəsində daha iki polis əməkdaşı da həlak olub. Xəstəxanalara çatdırılan digər yaralıları qorumaq üçün xüsusi təyinatlılar yerləşdirilib.
İlkin ehtimala görə, cani ekstemist dini cərəyanın üzvüdür.
1news.az
12.59
Almatanın Daxili İşlər Nazirliyinin rayon bölməsində insanlara atəş açan cinayətkarın saxlanılma anı videokadrlara düşüb.
Silahlı şəxs 3 nəfəri, bunlardan ikisi polis əməkdaşıdır, eləcə də daha iki nəfəri yaralayıb. Bu haqda Ren TV məlumat yayır.
Polisin məlumatına görə, atışma təkcə Almatanın polis rayon şöbələrində baş verməyib. Silahlı şəxs küçədə hərəkət edərək atəş açır.
“Ehtimala görə, həmin şəxs qeyri-ənənəvi dini cərəyan nümayəndəsidir”.
Almatada terrorizmlə mübarizə qərargahından bildirilib ki, hücumedənlərdən bir nəfəri saxlanılıb, digərini isə polis axtarır:
“Bütün şəhər üzrə “Saxlanılma” xüsusi planı həyata keçirilir. Polis əməkdaşları arasında həlak olnallar var. Hücumedənlərdən biri saxlanılıb, digəri isə axtarışdadır”.
1news.az
11.32
Almatada polis bölməsinə hücum nəticəsində ən azı bir polis əməkdaşı həlak olub.
Bu haqda 1news.az RİA Novosti-yə istinadla xəbər verir.
Məlumata görə, hücum edənlər bir neçə nəfər olub. Atışma Almatanın bir neçə rayonunda baş verib. Cinayətkarlardan bir nəfər artıq saxlanılıb. Şəhərdə antiterror əməliyyatı həyata keçirilir.
Polisdən həmçinin bildirilib ki, şəhərdə “qırmızı” hədd – ən yüksək terror təhlükəsi tətbiq edilib. Qazaxıstanın Milli Təhlükəsizlik Komitəsindən bildirilib ki, bütün hücumların obyekti polis bölmələri olub.
KİV həmçinin tibb məntəqələrinə istinadla bildirir ki, xəstəxanalara 5 yaralı yerləşdirilib.
Xəsarət alanlar haqda daha ətraflı məlumatlar dəqiqləşdirilir.
1news.az
