Moskvadakı qasırğada həlak olanların sayı 16-ya çatıb – FOTO – VİDEO - YENİLƏNİB
Dünən Moskvadada baş verən qasırğada 16 nəfər həlak olub, təqribən 150 nəfər isə xəstəxanalara yerləşdirilib.
1news.az-ın RİA Novosti-yə istinadla verdiyi xəbərə görə, Moskva Səhiyyə Departamentinin rəhbəri Aleksey Xripun hazırda tibb müəssisələrində 108 nəfərin, o cümlədən 20-dən çox uşağın olduğunu deyib:
“Ümumilikdə 168 nəfərin tibbi yardıma müraciət etdiyini bildirib: "Təəssüf ki, Moskvada ölənlərin sayı 16 nəfərdir".
Qeyd edək ki, ötən gün Moskvada qasırğa olub. Rusiya paytaxtının bir çox küçələrində reklam qurğuları, ağaclar aşıb, şəxsi avtomobillərə zərər dəyib.
29.05.2017
Moskvada qasırğa nəticəsində 11 nəfər həlak olub, 70 adam yaralanıb
1news.az-ın RİA Novosti-yə istinadla verdiyi xəbərə görə, bu barədə Rusiya İstintaq Komitəsinin Moskva üzrə Baş İstintaq İdarəsinin rəhbəri Yuliya İvanova məlumat verib:
"Moskvanın şimal-şərqində, cənub-qərbində və şərqində qasırğa nəticəsində ağaclar yaxınlıqdan keçən sakinlərin üzərinə aşıb. Aldığı xəsarətlərdən 5 nəfər hadisə yerində ölüb. Bundan əlavə, elə həmin gün güclü külək nəticəsində Kirovoqradsk küçəsində dayanacağın konstruksiyası qırılıb. Nəticədə yaşlı kişi hadisə yerində ölüb".
S.Xankişiyeva
