Bakı trasında ilk böyük qəza: 6 bolid toqquşdu – FOTO

Bu gün Bakı şəhər halqasında GP2 seriyası üzrə keçirilən birinci yarışda qəza baş verib. 

1news.az-ın AzVision.az-a istinadən verdiyi xəbərə görə, yarışın ilk döngəsində baş verən qəza nəticəsində 6 pilotun bolidi toqquşub və nəticədə pilotlar mübarizədən kənarlaşmalı olublar. 

Məlumata əsasən, qəzaya görə yarışdan kənarlaşan pilotlar bunlardır: Filo Pas Armand (“Trident”) Marvin Kirkqover (“Karlin”) Pyer Qasli (“Prema Racing”) Serxio Kanamasas (“Karlin”) Aleks Linn (DAMS) Nikolya Latifi (DAMS) 

Qeyd edək ki, GP2 seriyası iki yarışdan ibarətdir. GP 2 seriyası üzrə ikinci yarış isə 1 saat çəkəcək və iyunun 19-u bakı vaxtı ilə saat 14:00-da başlayacaq.

Xatırladaq ki, GP2 seriyası üzrə birinci yarışın qalibi  “Prema Racing” komandasının pilotu Antonio Covinatsi olub.

1news.az