Magistral qaz xəttində baş verən yanğın söndürülüb – FOTO – VİDEO – YENİLƏNİB
Dekabrın 27-də Qaradağ rayonunun Səngəçal qəsəbəsi ərazisində Qaz Emalı Zavodundan Səngəçal Baş Qurğularına gedən, diametri 1000 millimetr olan magistral qaz kəmərində baş verən yanğın söndürülüb.
1news.az xəbər verir ki, bu barədə SOCAR-dan məlumat veriblər.
Məlumata görə, qəza baş vermiş xətdə təmir bərpa işlərinə başlanılmış, Abşeron yarımadasına qazın verilməsi alternativ qaz xətti ilə bərpa olunub.
12:48
Xəbər verildiyi kimi, dekabrın 27-də saat 9:55-də Qaradağ rayonu Səngəçal qəsəbəsi ərazisində Qaz Emalı Zavodundan Səngəçal Baş Qurğularına gedən, diametri 1000 millimetrlik magistral qaz kəmərində yanğın baş verib.
1news.az-a SOCAR-ın mətbuat xidmətindən verilən xəbərə görə, yanğının söndürülməsi məqsədilə həmin xətt lokallaşdırılıb, bu xəttə verilən qaz alternativ qaz kəmərinə ötürülüb.
Hadisə yerinə dərhal yanğından mühafizə qüvvə və vasitələri cəlb olunub. Baş vermiş yanğın Abşeron yarımadasının qazla təchizatında müəyyən məhdudiyyətlər yaradıb. Yanğının söndürülməsi və qaz təchizatında yaranmış məhdudiyyətlərin aradan qaldırılması üçün zəruri tədbirlər görülür.
11.40
Səngəçaldakı qaz qovşağından çıxan magistral qaz xətlərindən birində partlayış baş verib.
Bu haqda 1news.az SOCAR-a istinadla xəbər verir.
Məlumatda qeyd olunub ki, xəsarət alan yoxdur.
Hazırda həmin xətt lokallaşdırılır, sistemə daxil olan təbii qaz dayandırılır və təmir işlərinə başlamaq üçün hazırlıq görülür.
11:25
olan 2 ədəd qaz xəttində yanğınla nəticələnən partlayış baş verməsi barədə məlumat daxil olub.
1news.az FHN-ə istinadən xəbər verir ki, dərhal FHN-in Dövlət Yanğından Mühafizə Xidmətinin qüvvə və vasitələri hadisə yerinə cəlb olunub.
Nazirlikdən bildirilib ki, hadisə nəticəsində xəsarət alan olmamış, yanğının söndürülməsi işləri davam edir, yaşayış məntəqələri üçün təhlükə yoxdur.
10:39
Bu gün saat 10 radələrində Bakının Qaradağ rayonu ərazisində güclü yanğın başlayıb.
Səngəçal qəsəbəsi yaxınlığından keçən boru xəttində başlayan alışma şiddətlənib və güclü yanğına keçib.
Dövlət Yanğından Mühafizə Xidmətindən Lent.az-a bildirilib ki, yanğın ərazidən keçən qaz borusunda baş verib.
Əraziyə xeyli texnika və yanğınsöndürən cəlb edilib.
