Aqil Abbas: Niyə Tovuzda və ya Gəncədə biznesmenlər öz regionunun klubuna kömək edə bilmir? | 1news.az | Xəbərlər
Futbol

Aqil Abbas: Niyə Tovuzda və ya Gəncədə biznesmenlər öz regionunun klubuna kömək edə bilmir?

15:43 - 19 / 07 / 2019
Aqil Abbas: Niyə Tovuzda və ya Gəncədə biznesmenlər öz regionunun klubuna kömək edə bilmir?

Milli Məclisin deputatı Aqil Abbas Ağdamın “Qarabağ” klubunun, ümumilikdə Azərbaycan futbolunun azarkeşidir.

A.Abbas ölkə futbolunda baş verənləri şərh edərkən sərt reaksiyalardan çəkinmir. Son zamanlar isə parlamentari biznesmənləri region klublarını dəstəkləməyə çağırır.

1news.az Aqil Abbasla klublarmızın Avropa klublarında çıxışları, ölkə çempionatındakı vəziyyəti və regionlarda klubların olmaması ilə bağlı söhbət edib.

“İlk növbədə “Səbail” klubunu və baş məşqçisini yaxşı oyun nümayiş etdirməklə təbrik edirəm. Məğlubiyyətə baxmayaraq onlar sona qədər oynadılar və ruhdan düşmədilər. Futbolda hər zaman qalib gəlinmir, məğlubiyyət də olur. “Səbail”in oyunu çox xoşuma gəldi. Açığı onlardan belə oyun gözləmirdim. Sadəcə çoxlu top itirən Mirabdulla Abbasovun oyunu xoşuma gəlmədi. Ümumilikdə komandanın təcrübəsi az idi. Lakin oyundan zövq aldım.

“Qarabağ” və “Neftçi”yə gəlincə, onlara digər mərhələlərdə uğurlar arzulayıram. “Neftçi” moldovalılara (6:0) qalib gəlib. “Neftçi”nin  “Torpedo”ya necə qalib gəldiyini xatırlayıram.

Rəqiblərin gücünü artırmağın əleyhinəyəm. Çox vaxt KİV-dən “Qarabağ”ın və ya hansısa klubun güclü rəqiblə qarşılaşdığı qeyd olunur. İrlandiyalılar “Qarabağ”dan çəkinməlidir, əksinə deyil. “Qarabağ” iki il əvvəl Madridin “Atletiko”sunu Çempionlar Liqasının qrupundan çıxmağa imkan vermirdi. “Ağdamlıların” çox böyük təcrübəsi var. Bu, sadə klub deyil. Buna görə də bədbin ab-hava yaratmaq lazım deyil.

“Qarabağ”dan da, “Neftçi”dən də gözəl oyun gözləyirəm. “Qəbələ”yə gəlincə, əminəm ki, komanda bütün çətinliklərə baxmayaraq gücünü toplaya bilər. Bu, faktiki olaraq yeganə regional komandadır.

Düşünürəm ki, nəticələrin yüksəlməsilə azarkeşlər də stadionlara qayıdar. “Neftçi”nin növbəti oyununda stadionlar dolacaq. Komanda dəstəyi hiss etməlidir ki, ruhdan düşməsin. Hər zaman söyləmişəm ki, azarkeş öz komandasını stadiondan dəstəkləməlidir. Əgər stadiona getmirsənsə, futbolçulardan da nəsə tələb edə bilməzsən”.

Aqil Abbas yerli futbol ilə bağlı fikirlərini də bölüşüb:

“Gələn mövsümdən başlayaraq ölkə çempionatında klubların sayı artacaq. Əgər komandaların sayı artarsa, başqa futbol görəcəyik. İstərdim ki, çempionatda 16 komanda oynasın. Bu, rəqabəti yüksəldəcək, həmçinin milli yığmaya namizədlərin sayını artıracaq.

Lakin anlamaq lazımdır ki, Premyer Liqada komandaların sayının artımı AFFA-dan asılı deyil. Bu, ilk nömbədə regionlarda klubları dəstəkləyəcək biznesmenlərdən asılıdır. AFFA bütün klubların yükünü öz çiyinlərində daşıya bilməz. Tovuzda komandanın Premyer Liqada oynaması üçün milyon manat yoxdur? UEFA-nın tələbləri var. Sadə dillə desək, klub bir mövsümü oynaya biləcəyilə bağlı zəmanət verməlidir. Buna görə də bank hesabında pul olmalıdır. Təsəvvür edin, klub yaranmasından üç ay sonra maliyyə çatışmazlığından dağılsa nə olar? Bu, necə futboldur?

Komandaların sponsorları olmalıdır. Bir zamanlar “Qarabağ” klubu Ağdamın işgüzar adamlarının pulu hesabına 10 il dəstək alıb. Bəs nə üçün Tovuzda və ya Gəncədə imkanlı şəxslər öz regionlarının klubuna kömək etmir? Regionlarda komandaların olmaması həmin ərazilərin rəhbərləri və biznesmenləri günahkardır. Ola bilsin ki, Tovuzda 30 milyonçu var. Bu, Şəmkir və Gəncəyə də aiddir. Ağdamdan olanlar “Qarabağ”ın parçalanmasına imkan vermədi. Tovuz, Şəmkir, Lənkəran, Mingəçevirdə futbol olmayana qədər, Azərbaycanda da futbol olmayacaq.

İndi “Sumqayıt” komandasını dəstəkləyirəm. Burada yerli futbolçular çıxış edir və onlar milli komanda üçün futbolçular hazırlaya bilər. Hər bir komandanın öz yeri var”.

Tərcümə: S.Xankişiyeva

 

Paylaş:
1599

Son xəbərlər

Azərbaycan-İraq əlaqələrinin inkişafı müzakirə olunub - FOTO18 / 03 / 2024, 21:05Zəngilan, Cəbrayıl və Qubadlıda sənaye zonaları yaradılacaq18 / 03 / 2024, 17:45Martın 1-dən 15-dək 19 mindən çox vətəndaş Elm və Təhsil Nazirliyinə müraciət edib18 / 03 / 2024, 17:33Ceyhun Bayramov Çanaqqala zəfərinin ildönümü münasibətilə Türkiyəni təbrik edib18 / 03 / 2024, 17:11Ötən həftə azad olunmuş ərazilərdə 38 mina aşkarlanıb18 / 03 / 2024, 17:02Süni intellekt əvəzinizə mahnı yaradacaq - FOTO18 / 03 / 2024, 16:48“Ali Məhkəmənin tətbiq etdiyi yeni sistem hamı üçün faydalıdır” – RƏYLƏR18 / 03 / 2024, 16:34Cənubi Qafqazın sülh təşəbbüskarları18 / 03 / 2024, 16:34Böyük Britaniya kralı III Çarlz vəfat edib18 / 03 / 2024, 16:20“Gənclik” metrostansiyasının yanında yeni nəqliyyat mübadilə mərkəzi yaradılıb18 / 03 / 2024, 16:13İlham Əliyev Xankəndinin Azərbaycan torpağı olması ilə bağlı bir sıra faktları açıqlayıb18 / 03 / 2024, 16:04Xankəndinin mərkəzi meydanına “Zəfər meydanı” adı verilib18 / 03 / 2024, 15:58İraq Respublikasının Prezidenti Azərbaycan nümayəndə heyətini qəbul edib - FOTO18 / 03 / 2024, 15:48Tamstore 25-ci marketini açır – işçi sayı 1200-ü keçdi18 / 03 / 2024, 15:41İlham Əliyev Novruz bayramı münasibətilə Azərbaycan xalqını təbrik edib18 / 03 / 2024, 15:38Silk Way West Airlines daha bir Boeing 777 Freighter ilə donanmasını yeniləməyə davam edir18 / 03 / 2024, 15:33İran, Belarus və Rusiyadan Azərbaycana gətirilən qidalarda uyğunsuzluqlar aşkarlanıb18 / 03 / 2024, 15:20Ceyhun Bayramov ABŞ Dövlət Departamentinin Qafqaz danışıqları üzrə baş müşaviri ilə görüşüb18 / 03 / 2024, 15:12Bayramda Xaqani parkına yaxın bəzi küçələrdə hərəkətə məhdudiyyət qoyulacaq18 / 03 / 2024, 14:58Bakıda mənzildən meyit tapılıb18 / 03 / 2024, 14:49
Bütün xəbərlər