Azər Badamov: Prezidentin sərəncamı Azərbaycan elminin inkişafına öz təsirini göstərəcək
Azərbaycan Prezidentinin ali təhsil və orta ixtisas təhsili müəssisələrində, həmçinin Azərbaycan Milli Elmlər Akademiyasının magistratura səviyyəsində təhsil alan tələbələrə təqaüdlərin verilməsi haqqında imzaladığı sərəncam vətəndaşların sosial vəziyyətinin yaxşılaşdırılmasına xidmət edən növbəti bir addımdır.
Bunu 1news.az-a açıqlamasında Milli Məclisin Gənclər və idman Komitəsinin üzvü Azər Badamov deyib.
O xatırladıb ki, son aylar cənab Prezident insanların sosial rifahının yaxşılaşdırılması istiqamətində bir sıra mühüm sərəncamlar imzalayıb:
“Şəhid ailərlərinin vərəsələrinə 11 min manat məbləğində birdəfəlik ödəmənin verilməsi, şəhid ailəsi üçün Azərbaycan Prezidentinin təqaüdünün 242 manatdan 300 manata qaldırılması, pensiyaların baza hissəsinin artırılması, dövlət başçısının zəlzələdən dərhal sonra Şamaxıya səfər edib, təbii fəlkətdən əziyyət çəkmiş insanlarla şəxsən görüşməsi, onlrın yanında olması, vəziyyətlə maraqlanması, indi də
Tələbələrin, o cümlədən magistr və doktorantların təqaüdlərin artırılması barədə imzaladığı sərəncamlar vətəndaşların sosial vəziyyətinin yaxşılaşdırılmasına xidmət edir.
Xüsusilə tələbələrin, bakalavr, magistratura, doktorantura pilləsində, orta ixtisas və peşə təhsili müəssisələrində oxuyan tələbələrin sosial müdafiəsinin gücləndirilməsi və onlara dövlət dəstəyinin artırılmasına xüsusi ehtiyac var idi. Ölkə rəhbərinin sərəncamları bir daha onu deməyə əsas verir ki, hər bir vətəndaş cənab Prezidentin diqqət mərkəzindədir. Hər bir vətəndaşın rifahı ölkə başçısını düşündürür”.
Millət vəkili hesab edir ki, bu sərəncamlar gənclərimizə dövlət qayğısının növbəti təzahürü olmaqla yanaşı, həm də təhsilin səviyyəsini yüksəldəcək. Eyni zamanda ali, orta ixtisas, həm də peşə məktəblərində təhsil alan tələblərin gələcək təqaüdlərinin bilik səviyyələrinə uyğun olaraq fərdi şəkildə ödənilməsi nəzərdə tutulub ki, bu da tələbələr arasında yeni bir rəqabət mühüti yaradacaq.
“Yəni, 91-100 bal arası, yaxud 80-90 bal arası aylıq təqaüdlərin müəyyən edilməsi tələbələr arasında yeni rəqabət mühüti formalaşdıracaq ki, onlar çalışacaqlar ki, daha da yaxşı oxusunlar və daha da yüksək təqaüd alsınlar. Bu həm də onların yaxşı bir mütəxəsis kimi yetişmələrinə həvəs yaradacaq, doktorantura, magistratura pilləsində təhsil alanların, elmin yüksək kateqoriylarına yiyələnənlərin sayını artıracaq .
Təbii ki, elmi yüksək dərəcədə inkişaf edən ölkə dünya praktikasında inkişaf edən ölkə hesab olunur. Bu sərəncam da Azərbaycan elminin inkişafına öz təsirini göstərəcək. Onu da qeyd etmək lazımdır ki, təhsil alanların əksəriyyətini gənclər təşkil edir. Bu bir daha gənclərə ölkə başçısının diqqət və qayğısının bariz nümunəsidir. Çünki bugünkü gənc nəsl ölkəmizin sabahkı gələcəyidir. Nə qədər savadlı, ziyalı, saf düşüncəli, vətənpərvər gənc nəsil yetişdirə bilsək, dövlətimizin gələcəyi də o qədər möhkəm olar. Qeyd olunan sərəncamlar da məhz ölkəmizin gələcəyini etibar edə biləcəyimiz saf gənc mütəxəssis nəslin yetişməsinə öz töhfəsini verəcəkdir”, - deyə deputat vurğulayıb.
P.S.