AzTA İlham Əliyevin Azərbaycanda turizmin inkişafı ilə bağlı qarşıya qoyduğu öhdəliklərə nail olacaq
Prezident İlham Əliyevin inaqurasiya nitqini diqqətlə dinlədk və ölkə başçısı tərəfindən Azərbaycanda turizmin inkişafı ilə bağlı qarşıya qoyulmuş öhdəliklərə nail olacağıq.
Bunu Azərbaycan Turizmin Assosiasiyasının (AzTA) rəhbəri Nahid Bağırov bildirib.
Aprelin 18-də Milli Məclisdə çıxış edən Prezindent İlham Əliyev qeyd edib:
“2004-cü ildə Azərbaycana xaricdən bir milyon qonaq gəlmişdirsə, bu il gələcək qonaqların sayı üç milyona çatacaqr. Biz ölkəmizi dünyada tanıtdıra bilmişik. Beynəlxalq tədbirlərin keçirilməsi, Avropa Oyunları, İslam Həmrəyliyi Oyunları, Formula 1 yarışları, siyasi, humanitar tədbirlər Azərbaycanı dünyaya təqdim etdi.
Bununla paralel olaraq, xalqımızın qonaqpərvərliyi, gözəl iqlim, təhlükəsizlik, gözəl infrastruktur, şərait, tarixi abidələrimiz Azərbaycanı sürətlə inkişaf edən böyük turizm mərkəzinə çevirir. Əlbəttə, bu, ölkəmizə valyuta gətirir, bu, ölkəmizi daha da gücləndirir və bu sahədə minlərlə iş yeri yaradılır və yaradılacaqdır”.
N.Bağırovun fikrincə, 3 milyon turistin ölkəyə gəlməsinə nail olmaq əlçatandır:
“2018-ci ilin ilk rübü ərzində Azərbaycana gəlmiş turistlərin sayı 627.913 nəfərə çatıb. Bunlardan 275.761 nəfəri martda gəlib. (ötən ilin analoji dövründə bu, 557.628 nəfər qeyd edilib).
Turistlərin 171.814 nəfəri Rusiyadan, 138.909 nəfəri Gürcüstandan, 99.158 İrandan, 72.733 nəfəri Türkiyədən, 29.317 nəfəri isə Birləşmiş Ərəb Əmirliklərindən gəlib.
Daha çox turist axını yayda gözlənilir. Belə ki, Bəhreyn, Oman, Pakistan və Səudiyyə Ərəbistanının 5 şəhərindən reyslər açılır. Həmçinin İsrail və Rusiyadan da reyslərin sayı artırılır. Düşünürəm ki, 2018-ci ildə turist axını 3 milyona çatdırılacaq”.
Azərbaycanı cəlbedici turizm istiqaməti kimi məşhurlaşması ilə bağlı N.Bağırov bildirib ki, AzTA və bir çox turizm agentikləri dünyanın vacib sərgilərində çıxış edərək ölkəyə marağı daha da artırır:
“Hazırda (18-19 apreldə) Almatada keçirilən tuzizm sərgisində iştirak etmişik. Daha sonra isə Dubaya, mayda isə Şanxaya gedəcəyik. Aprelin əvvəlində Pekində, martda isə Moskvada sərgidə olmuşuq. Düşünürəm ki, ölkə hüdudlarında kənarda Azərbaycanın turizm potensialı ilə bağlı təbliğatı daha da artırmalıyıq. Rəqabətə hazır olmalıyıq, eləcə də qələbə əldə etmək üçün düşünülmüş addımlar atılmalıdır”.
AzTA rəhbəri Azərbaycanda turizmin inkişafı ilə bağlı tədbirlərdən biri kimi otel sayının artırlmasını xüsusi qeyd edib:
“Turizm axını artır, lakin Azərbaycanda (müxtəlif kateqoriyalı) otellərdə çatışmazıq var. Yerli və əcnəbi investorlarla danışıqlar aparırıq. Düşünürəm ki, bu sahədə stimulun daha da artırılması üçün müəyyəm dövlət subsidiyaları, güzəştli kreditlər (Türkiyə və Gürcüstan təcrübəsi) verilməlidir. Bu məsələ müzakirələr üçün aktualdır”.
AzTA rəhbəri iqtisadiyyatın bu sahəsinin tənzimlənməsi üçün yaxın zamanlarda “Turizm haqqında” qanunun qəbul edilməsinə ümidini ifadə edib.
Tərcümə: S.Xankişiyeva
