ru

İqtisadiyyat

1 Oktyabr saat 14:47

Bakıda “Hyundai” 2350 manata, İcra Hakimiyyətinin maşını 600 AZN-ə satılır

Bakıda “Hyundai” 2350 manata, İcra Hakimiyyətinin maşını 600 AZN-ə satılır

Azərbaycanda dövlət qurumlarının bir sıra nəqliyyat vasitələri hərraca çıxarılıb.

Əmək Məsələləri üzrə Dövlət Komitəsindən 1news.az-a verilən məlumata görə, hərraca çıxarılan avtomobillər arasında Bakı Şəhər İcra Hakimiyyəti İqtisadiyyat Komitəsinin nəqliyyat vasitəsi QAZ-31029 600 AZN start qiyməti ilə satışa çıxarılır. 

Azərbaycan Respublikasnın Mərkəzi Bankının “Hyundai Sonata” maşınına isə 2350 manat ilkin qiymət müəyyən edilib. Hərraca çıxarılan avtomobillərin sayı 5-dir. 

Qeyd edək ki, 1-ci sətirdə Bakı Şəhər İcra Hakimiyyəti İqtisadiyyat Komitəsinin balansında olan nəqliyyat vasitəsi 4-cü dəfə 25% endirimlə təkrar hərraca çıxarılır.

2-3-cü sətirdə Azərbaycan Respublikası Mərkəzi Bankının balansında olan nəqliyyat vasitələri 5-ci dəfə 50% endirimlə təkrar hərraca çıxarılır.

4-5-ci sətirdə Azərbaycan Respublikasının Nazirlər Kabineti Aparatının İşlər İdarəsinin balansında olan nəqliyyat vasitələri 5-ci dəfə 50% endirimlə təkrar hərraca çıxarılır.

Qeyd: Sifarişlər Azərbaycan Respublikası Əmlak Məsələləri Dövlət Komitəsi yanında Hərracların Təşkili üzrə Auksion Mərkəzində (Bakı şəhəri, Zeynal Xəlil küçəsi 11) və yaxud e–emdk.gov .az elektron portalı vasitəsilə hərracın keçirilməsinə ən gec 3 (üç) bank günü qalanadək qəbul olunacaq: Nəqliyyat vasitələri barədə ətraflı məlumatı privatization.az portalından almaq olar. Hərracda iştirak etmək üçün (elektron sifariş verənlər istisna olaraq) hərracın keçirilməsinə ən azı 3 bank günü qalanadək aşağıdakı sənədlər təqdim olunmalıdır:

Sifarişçinin şəxsiyyətini təsdiq edən sənəd (Hüquqi şəxslər üçün:notarial qaydada təsdiq olunmuş qeydiyyat şəhadətnaməsi,nizamnaməsi və VÖİN)

Əmlak Məsələləri Dövlət Komitəsi tərəfindən müəyyən edilmiş hesaba behin köçürülməsini təsdiq edən sənəd. (10% məbləğində beh Mərkəzi Bankda – AZ65NABZ01361150000000004944 nömrəli hesablaşma hesabına ödənilməlidir)

(tel:566-07-44).

1news.az

BÖLMƏDƏ YENİ

yuxarı
Materiallardan istifadə edərkən sayta mütləq istinad olunmalıdır.

© Copyright 2007-2019 "The First News", İnformasiya Agentliyi
Bütün hüquqlar qorunur