ru

Futbol

10 İyun saat 12:43

Frenki de Yonq “Millətlər Liqasının ən yaxşı gənc oyunçusu” kimi SOCAR-ın mükafatını qazandı – FOTO

Frenki de Yonq “Millətlər Liqasının ən yaxşı gənc oyunçusu” kimi SOCAR-ın mükafatını qazandı – FOTO

Hollandiya yığmasının yarımmüdafiəçisi Frenki de Yonq Millətlər Liqasının ən yaxşı gənc oyunçusu seçilib.

1news.az-ın məlumatına görə, holland futbolçu turnirin ən yaxşı gənc oyunçusu kimi SOCAR mükafatını qazanıb.

Bu mükafata 1996-cı il yanvarın 1-də və sonra anadan olmuş oyunçular iddia edirdilər.

“Tərəqqi edən gənc oyunçudur. Bu turnirdə əldə etdiyi təcrübə ona böyüməyə kömək edəcək. Gənc futbolçu üçün yaxşı bir turnir keçirdi” - deyə, UEFA-nın texniki müşahidəçisi David Moyes bildirib.

Nəzərinizə çatdıraq ki, “Barselona” bu yaxınlarda “Ayaks” klubuna 75 milyon avro ödəyərək Frenki de Yonqu heyətinə qatıb.

Qeyd edək ki, turnirin ən yaxşı gənc oyunçusu üçün nəzərdə tutulmuş SOCAR mükafatı ilk dəfə 2016-cı ildə keçirilmiş Avropa çempionatında təqdim olunub. Həmin vaxt mükafata portuqaliyalı Renatu Sanşeş layiq görülüb.

Teymur Maksutov

BÖLMƏDƏ YENİ

yuxarı
Materiallardan istifadə edərkən sayta mütləq istinad olunmalıdır.

© Copyright 2007-2019 "The First News", İnformasiya Agentliyi
Bütün hüquqlar qorunur
entonee.net