Həsən Ruhani İlham Əliyevə təbrik məktub göndərib

İran İslam respublikasının Prezidenti Həsən Ruhani Azərbaycan Prezidenti İlham Əliyevə təbrik məktubu göndərib.

1news.az-a İranın Bakıdakı səfirliyindən daxil olan məktubda deyilir:

“Bismillahir Rəhmanir Rəhim",

Azərbaycan Respublikasının Prezidenti Zati-aliləri cənab İlham Əliyevə

Möhtərəm cənab Prezident!

Azərbaycan Respublikasının milli bayramı – Respublika Günü münasibətilə Zati-alinizi, eləcə də bütün xalqınızı səmimi qəlbdən təbrik edirəm.

Azərbaycan Respublikası öz müstəqilliyini əldə etdiyi gündən bəri İran İslam Respublikası ilə Azərbaycan Respublikası iki qonşu ölkə kimi öz qədim tarixi mədəni və dini ortaqlıqlarına söykənərək, yüksək səviyyəli əlaqələr və gözəl qonşuluq münasibətləri nümayiş etdirib, eləcə də müxtəlif sahələrdə əməkdaşlıqları genişləndirməklə hər iki ölkə xalqlarının rifah və tərəqqisinin daha artıq yüksəlməsi və regionda sülh və sabitliyin möhkəmləndirilməsi işinə töhfələr vermək barədə qərarlı olduqlarını göstəriblər.

Sonda Allah Təaladan Zati-alinizə möhkəm cansağlığı və müvəffəqiyyətlər, Azərbaycan Respublikasının şərafətli xalqına isə rifah və səadət arzulayıram".

P.Sultanova