ru

Rusiya

11 Oktyabr saat 11:30

Kadırov metroda xuliqanlıq edən çeçeni yanına çağırdı: “Bura gəlməsən...” - VİDEO

Kadırov metroda xuliqanlıq edən çeçeni yanına çağırdı: “Bura gəlməsən...” - VİDEO

Çeçenistan rəhbəri Ramzan Kadırov metroda tanımadığı şəxslərə içki bankası ilə hücum edən və bunu videoya çəkən çeçenin Qroznıya gəlməsini tələb edib. 

1news.az-ın Oxu.az-a istinadən verdiyi xəbərə görə, bununla bağlı region rəhbəri “Telegram” kanalında yazıb.

Kadırov şərəflərinə toxunulan gənclərdən üzr istəyib və istifadəçilərdən hücum edən şəxsin əlaqə nömrəsini istəyib. Çeçenistan rəhbəri həmin şəxsə müraciət edib:

“Bu dəqiqə ilk reyslə Qroznıya qayıt və yaxınlarınla yanıma gəl! Əks halda səni tapacaqlar. Sənin hərəkətlərinin “Axmat” klubuna heç bir aidiyyəti yoxdur”, - Kadırov bildirib. 

Çeçenistan rəhbəri həmin şəxsə bir neçə saat vaxt verib. 

Bir müddət öncə sosial şəbəkələrdə yayılan görüntülərdə gənc oğlanın metroda insanlara içki bankası atması və onlardan “Axmat güclüdür” sözünü deməsini tələb etməsi əks olunub.

1news.az

BÖLMƏDƏ YENİ

yuxarı
Materiallardan istifadə edərkən sayta mütləq istinad olunmalıdır.

© Copyright 2007-2019 "The First News", İnformasiya Agentliyi
Bütün hüquqlar qorunur