Regionlarda həvəskar futbolun dirçəlişi və ya MFL-in Gəncə Kubokunda yadda qalan məqamlar – FOTO – VİDEO
Azərbaycanda ən iri həvəskarlar liqası MFL mövsümü uğurla başa vurdu.
1news.az-ın verdiyi xəbərə görə, ilk mövsümündə 64 komandanın iştirak etdiyi MFL-in Gəncə Kuboku da sona çatdı.
MFL-in Gəncə Kuboku – Bakıda yüksək səviyyədə futbol turnirləri keçirən MFL-in yeni layihəsidir.
Bu il MFL öz inkişaf yolunda yeni addım ataraq sərhədlərini regionlara qədər genişləndirib.
Bu istiqamətdə ilk addım Azərbaycan futboluna bir çox oyunçular bəxş edən Gəncədə oldu. Məhz bu cür həvəskar turnirlər istedadların ortaya çıxmasına, futbolun inkişafına və gənclərin bu idmana cəlb edilməsinə səbəb olur.
MFL-in Gəncə Kuboku özünü doğrultmasının bariz nümunəsi burada 64 həvəskar komandanın iştirakıdır. İlk olaraq təşkilatçılar 32 klubun iştirakını nəzərdə tutmuşdu. Lakin iştirak etmək istəyənlərin sayı 64 klubdan çox oldu.
MFL-in Gəncə Kuboku şəhərə əsl bayram bəxş etdi, turnir böyük maraqla qarşılandı. Matçlar zamanı arenaya çoxlu azarkeşlər toplaşmışdı.
MFL-in Gəncə Kubokunun açılış və püşkatma mərasimində AFFA-nın baş katibi Elxan Məmmədov, MFL-in direktoru Rəhman Hacıyev və Gənclər və İdman Nazirliyinin Gəncə İdarəsinin rəhbəri Müşviq Cəfərov iştirak edib.
Bu turnirin keçirilməsi üçün MFL rəhbərliyi çoxlu səy sərf edib. Danışıqlar uzun çəkib və öz nəticəsini göstərib – MFL-in Gəncə Kuboku start götürdü. Əlbəttə bu turnir AFFA-nın, həmçinin McDonald's şirkətinin dəstəyi olmadan mümkün deyildi. Elxan Məmmədovun şəxsi iştirakı AFFA rəhbərliyinin Gəncədə kütləvi futbolun inkişafında maraqlı olduğunu göstərir.
MFL-in Gəncə Kuboku şəhərdə yüksək səviyyədə təşkil olunan ən iri həvəskar turnirdi. Burada 650-dən çox həvəskar-futbolçu iştirak edib. 300 mindən çox sakini olan şəhər üçün bu, çox yaxşı göstəricidir.
Matçlar pley-off sistemi üzrə keçirilib. Məğlub olan komanda turniri tərk edir. Yarıfinal mərhələsində komandalar iki matç olmaqla öz aralarında oynayıb. Final və üçüncü yer uğrunda mübarizə bir oyundan ibarət idi.
Beləliklə, aprelin 20-də birinci dövrə oyunları start götürdü. İki ay ərzində komandalar yüksəlmək üçün oynayıblar. İyunun 15-də həlledici oyun keçirilib. Burada MFL-in Gəncə Kubokunun qalibi müəyyən edilib.
Finalda Gəncənin iki ən yaxşı həvəskar komandası: “Uraqan” və “Ruslan” oynayıb. Final 6:2 hesabı ilə “Uraqan” komandasının xeyrinə bitib. Üçüncü yerə “Sirena Motors” komandası layiq görülüb.
Turnirin qalibi 500 manat, qızıl medal və Kubok qazanıb. İkinci yerin sahibləri 300 manat, medal, üçüncü yer isə - 250 manat və medal əldə ediblər.
Rəqibinin qapısına 37 dəfərə top vurmaqla “Ruslan” komandasından Malik Babayev Xüsusi kubok və turnirin ən yaxşı bombardiri adına layiq görülüb.
Həmçinin o, 40 xal toplayan Rəhman Əzizovla (“Uraqan”) mövsümün ən yaxşı oyunçuları seçilib.
Ən yaxşı assistə adına onun komanda yoldaşı, 13 məhsuldar ötürmələri ilə Azad layiq görülüb.
Həmçinin çempionatın yekununa əsasən MFL-in Gəncə Kubokunun simvolik yığması hazırlanıb: Məmməd Əliyev («Ruslan»), Elmir Natiqzadə («Nirvana»), Ruslan Həsənov («Offside»), Polad Məmmədov («Avrora»), Kamran Nəsrullayev («Qoca Çinar») və İsa Bayramov («Sirena Motors»).
MFL-in Gəncə Kuboku şəhərin ən yaddaqalan futbol hadisəsi olub. Həvəskar liqası MFL hər il qarşısına yüksək məsqədlər qoyaraq bunlara uğurla nail olurlar. MFL-in Gəncə Kuboku sona çatdı və liqa istirahətə çıxdı.
Tərcümə: S.Xankişiyeva
