“Yalnız qorxaqlar belə edir”: erməni “Qarabağ” -“Arsenal” oyunu zamanı təxribat törədib – FOTO – VİDEO

Londonda Avropa Liqasının qrup mərhələsinin son turunda “Qarabağ” -“Arsenal” oyunu zamanı erməni azarkeş qondarma Dağlıq Qarabağ Respublikasının bayrağı ilə meydana qaçıb.

Həmin azarkeş üzərində 1993-cü ildə öldürülmüş erməni terrorçusu Monte Melkonyanın şəkli olan futbolkada olub.

1news.az-ın verdiyi xəbərə görə, meydana qaçmış həmiş şəxs “Qarabağ”ın futbolçularını təxribata təhrik edib. Lakin həmin azarkeş tez bir zamanda meydandan çıxarılıb.

Məsələyə dərhal “Qarabağ”ın kapitanı Rəşad Sadıqov reaksiya verib. O, erməni azarkeşin bu hərəkətinə etirazını əsəbi formada çatdırıb. Sadıqov matçın sonunda meydanı Azərbaycan bayrağı ilə tərk edib.

Meydana qaçmış azarkeş ömürlük futbol oyunlarından kənarlaşdırlacaq. Bu haqda Facebook səhifəsində Şotlandiya parlamentinin əməkdaşı, azərbaycanlı diktor Fuad Ələkbərov yazıb:

“Londonun polis əməkdaşı dedi ki, azarkeş ömürlük futbol oyunlarından kənarlaşdırlacaq. Bununla yanaşı, ona qarşı xalqlararası nifaq salma ilə bağlı cinayət işi də açıla bilər”.

Oyundan sonra keçirilən mətbuat konfransında Qurban Qurbanov bu barədə verilən suala belə cavab verib:

“Bu haqda çox danışmaq istəmirəm, sadəcə qorxaqlar belə hərəkət edirlər. Bu hərəkəti edən adam qorxub sonra qaçmamalıydı. Yalnız qorxaqlar bir addım atıb, sonra isə qaçırlar”.

İdman hər zaman siyasətdən kənarda olub. Bunu hər zaman UEFA təsdiq edib. Buna görə də ümid edirik ki, separatçı ermənilərin bu təxribatı UEFA tərəfindən ədalətli qiymətini alacaq. Ən pis halda, “Arsenal” təhlükəsizlik tədbirlərinə riayət etmədiyi üçün cərimələnəcək.

Tərcümə: S.Xankişiyeva