Yerevandakı etirazlar ABŞ diplomatiyasının riyakarlığını nümayiş etdirir – FOTO – VİDEO
Artıq neçə gündür ki, Yerevanda kütləvi etiraz aksiyaları keçirilir: sakinlər sabiq prezident Serj Sarkisyanın Ermənistanın baş naziri vəzifəsinə seçilməsinə qarşı mitinq keçirirlər.
Ölkəyə 10 il rəhbərlik etmiş Sarkisyan effektsiz idarəetmə və iqtisadi vəziyyətin daha da pisləşməsində ittiham olunur.
Etirazçılar Yerevan küçələrində “Serj, get!”, “Addım at, Serji uzaqlaşdır!”, “Azad, müstəqil Ermənistan!” şüarlarını səsləndirirlər.
“Mənim addımım” etiraz hərəkatının lideri Ermənistan parlamentinin deputatı Nikol Paşinyandır.
Çoxsaylı etiraz aksiyalarına baxmayaq Ermənistan parlamenti aprelin 17-də Serj Sarkisyanı baş nazir olaraq seçdi. Ermənistanda parlament idarə formasını nəzərə alaraq qeyd edək ki, baş nazir ölkədə ən geniş səlahiyyətlərə sahib olacaq.
Lakin etirazçılar təslim olmaq fikrində deyillər. Onlar dövlət müəssisələrində oturaq tətillərə səsləyərək Ermənistanda “məxməri inqilabın” başlandığından bəhs edirlər.
Etirazlar polislə iştirakçılar arasında qarşıdurma ilə də müşayiət olunur. Belə ki, bir neçə polis və etirazçıların liderinin yaralandığı bildirilir.
Many injured in @Yerevan as protesters clash with police pic.twitter.com/LccOyUwzgP — Maria Titizian (@MariaTitizian) April 16, 2018
Yerevanda baş verən hadisələrlə bağlı ABŞ-ın Dövlət Departamenti də qiymət verib:
“Yerevanın mərkəzində baş verən mitinqləri yaxından izləyirik. Neçə gündür ki, etirazçılarla polisin məsuliyyət göstərməsi təqdirəlayiqdir. Lakin hüquq-mühafizə orqanları ilə etirazçılar arasında yaranmış qarşıdurmadan narahatıq. Tərəfləri təmkinli olmağa çağırırıq”.
Azərbaycanlı politoloq Tofiq Abbasov Dövlət Departamentinin Ermənistandakı repressiya və zorakılığa reaksiyasına münasibət bildirib:
“Təəccüblüdür ki, Amerika saxta konstitusiya islahları ilə öz xalqını aldadan Sarkisyanla bağlı bir söz deməyib”.
Politoloqun fikrincə, Sarkisyanın Robert Koçaryanla əlbir olaraq 1998-ci ildə qanuni olaraq prezident seçilmiş Levon Ter-Petrosyanı devirdiyini bütün dünya bilir. İndi də prezident postunda iki dövr qaldıqdan sonra Sarkisyan siyasi hiylə ilə idarəetməni əlində saxladı:
“Xalq onu istəmir. Çünki, o, ölkəni dərin böhrana sürükləyib. Və ABŞ-ın Ermənistanda baş verən hadisələrə göz yumması bir daha Vaşinqtonun iki üzlülüyündən xəbər verir.
“Bəzən Azərbaycanda baş verən hadisələrə Vaşinqtonun tənqidi yanaşmasını nəzərə alaraq Amerikanın iki qonşu dövlətdə baş verənlərə ikili standart göstərməsi açıq-aydındır”.
T.Abbasovun fikrincə, Yerevana güzəştlər etməkə ABŞ Sarkisyanın hakimiyyətdəki özbaşınalığını qanuniləşdirirlər və bununla da istər ölkədə, istərsə də regionda gərginliyi artırır.
“Ermənistanda baş verən hadisələr, Yerevanın Dağlıq Qarabağ probleminə destruktiv mövqeyi bir daha göstərir ki, işğalçı dövlətdəki böhran kritik həddədir”.
Politoloqun fikrincə, Ermənistanın xilası güc siyasətindən sağlamdüşüncə siyasətinə keçiddə, bununla da istər ölkədaxili və ölkənin xarici problemlərdən qurtulmasındadır:
“Əks halda parçalanmadan qaçmaq mümkün olmayacaq. Təəssüflər olsun ki, Amerika diplomatiyası həqiqətləri gördükləri halda, hadisələrə göz yumurlar”.
Tərcümə: S.Xankişiyeva
