Anar Salmanov MFL-də yeni vəzifəyə təyin olundu
MFL-in İntizam Komitəsinin yeni tərkibi təsdiqlənib.
Xəbər verdiyimiz kimi, Azərbaycanda ən böyük həvəskarlar liqası olan MFL-in üçüncü mövsümünə start verilib.
Mötəbər titul uğrunda 52 komandanın mübarizəyə apardığı turnirin hər bir oyunu maraqlı və gərgin mübarizə şəraitində keçir. Bu səbəbdən də oyunlar zamanı mübahisəli məqamların, eyni zamanda MFL-in Qaydalarından kənar halların baş verməsi qaçılmazdır.
Keçirilən oyunlarda qeydə alınan qayda pozuntuları və Qaydalardan kənar hallarla bağlı qərarların çıxarılması və cərimələrin tətbiqinə, bir sözlə, mövsüm boyu keçirilən oyunlarda obyektivliyin tam təmin olunmasına MFL-in dörd nəfərdən ibarət İntizam Komitəsi nəzarət edir.
Tərkibi yenidən formalaşdırılmış Komitənin üzvlərini təqdim edirik:
Anar Salmanov – Komitənin sədri, MFL-in koordinatoru,
Rza Hüseynov – Komitənin üzvü, AFFA nümayəndəsi,
Vaqif Axundov – Komitənin üzvü, MFL-in meneceri,
Babək Cahandarov – Komitənin katibi.
Tərcümə: S.Xankişiyeva
