Aytən Mustafazadə: Azərbaycan və Türkiyə regionlararası layihənin iştirakçılarına çevriləcək
Azərbaycan Prezidentinin inauqurasiyadan sonra ilk səfərinin Türkiyəyə olması ənənəyə çevrilib.
Bu haqda Milli Məclisin deputatı, AMEA-nın İnsan Haqları İnstitutunun direktoru Aytən Mustafazadə 1news.az-a verdiyi müsahibəsində bildirib.
Onun sözlərinə görə, Türkiyənin Azərbaycanın ən başlıca strateji tərəfdaşı olmasını qeyd etməyə ehtiyac yoxdur:
“Prezident İlham Əliyev səfər vasitəsilə hər iki ölkənin bir-birinə dəstəyini beynəxalq müstəvidə göstərdi. Hazırda Türkiyəyə qarşı münasibət birmənalı deyil. Həmçinin Türkiyədə erkən parlament və prezident seçkilərilə bağlı bu səfər dəstək xarakteri daşıyır”.
A.Mustafazadə həmçinin Azərbaycan və Türkiyənin qardaş ölkə olduğunu vurğulayıb:
“Bunu istər siyasi, istərsə də iqisadi sferalarda dəfələrlə nümayiş etdiririk. Azərbaycan hər zaman geosiyasi və geoiqtisadi layihələrində Türkiyəni yaddan çıxarmır. Türkiyə də hər zaman Azərbaycanın dəstəyinə arxalana bilər. Regionda baş verən qeyri-stabilliyi nəzər alaraq ölkələrimiz bir-birinə arxadır”.
Deputat qeyd edib ki, Türkiyə hər zaman Qarabağ məsələsində Azərbaycana siyasi dəstək göstərib:
“Ümid edirəm ki, bu dəstək Azərbaycanın Qarabağ məsələsində irəliləyiş etmək istədiyi zaman Türkiyənin nüfuzuna arxalana biləcək. Bununla da münaqişənin həlli istiqamətində mühüm addım atılacaq”.
Türkiyə prezidenti Ərdoğanın Azərbaycan dövlət başçısı İlham Əliyevlə birgə mətbuat konfransı zamanı yaxın zamanlarda TANAP-ın açılışı ilə bağlı bəyanatı şərh edərkən Mustafazadə bildirib ki, onun açılışı ilə Azərbaycan və Türkiyə regionlararası layihənin iştirakçılarına çevriləcək:
“Bu nəhəng layihənin həyata keçirilməsi Azərbaycan və Türkiyənin birgə təşəbbüsüdür. Bu da ölkəmizi dünyanın energetik xəritəsində əsas nöqtəyə çevirəcək. Bununla da ölkələrimiz böyük tarixi missiyanı həyata keçirəcək”.
TANAP-ın rəsmi açılış mərasimi 2018-ci ilin iyununda baş tutacaq. Hazırda isə boru kəmərinn test mərhələsindədir. “Şahdəniz-2” yatağından çıxan 16 milyard kubmetr qazın TANAP vasitəsilə Türkiyə və Avropa sərhədlərinə çatdırılacaq. TANAP layihəsində 30%-i Türkiyənin BOTAS, 58% -i SOCAR-a, 12% -i BP-yə məxsusdur.
Tərcümə: S.Xankişiyeva