1news.az

Azərbaycanda yeni təqaüd proqramı hazırlanacaq

14 May saat 12:10 ~ 1 dəqiqəlik oxu 365
Azərbaycanda yeni təqaüd proqramı hazırlanacaq

AzərAzərbaycanda yeni təqaüd proqramı hazırlanacaq. Bu məsələdə Sovet dövründən qalma ənənələrdən uzaqlaşacağıq.

1news.az-ın Publika.az-a istinadən verdiyi xəbərə görə, bu sözləri əmək və əhalinin sosial müdafiəsi naziri Sahil Babayev Avropa Regional Sosial Təminat Forumunda çıxışı zamanı deyib.

Nazir bildirib ki, yeni təqaüd proqramı 2015-ci ildən baş verən yenilikləri özündə əks etdirəcək: “Sovet İttifaqı dövründən miras qalan sistemdən uzaqlaşacağıq. Sosial müavinətlər, imtiyazlar sistemində də daha ünvanlı sistem quracağıq. Sosial yardım sisteminin məşğulluqla uzlaşmasına şərait yaradacağıq. Bunun adı sosial dəstək olacaq. Özünüməşğulluqla bağlı Dünya Bankı ilə danışıqlar aparırıq. BMT-nin İnkişaf Proqramı ilə əməkdaşlıq edirik. Məqsəd daha çox insanı əhatə etmək, kiçik biznesin inkişafına təkan verməkdir.

Əlilliyin müəyyən edilməsi sistemində islahatlar aparacağıq. Burada da Sovet İttifaqından qalma sistemindən uzaqlaşmaqla, tamamilə yeni meyarlar üzərində işləyirik. Qanunvericilik aktlarının da bu istiqamətdə hazırlanması üzərində işləyirik. Artıq qanun layihələri Mill Məclisə təqdim edilib. Bununla yanaşı reabilitasiya sistemini hazırlayırıq. Bu daha çox sosial reabilitasiya və məşğulluqla bağlı məsələlərdir”.

Nazir bildirib ki, əmək müfəttişlərinin işini elektronlaşacaq: “Bununla da neqativ halların qarşısını alacağıq. Bu sahədə Beynəlxalq təşkilatlar təftişlərin sayını artırmağı tövsiyə edir. Biz də bu istiqamətdə iş aparırıq”.

1news.az

OXUCULARIN SEÇİMİ
REDAKSİYANIN SEÇİMİ
Cəmiyyət BÖLMƏSİNDƏN DİQƏR XƏBƏRLƏR

SON XƏBƏRLƏR

yuxarı
Materiallardan istifadə edərkən sayta mütləq istinad olunmalıdır.

© Copyright 2007-2019 "The First News" İnformasiya Agentliyi,,
Bütün hüquqlar qorunur
entonee.net