Bakı Limanının yükaşırma qabiliyyəti 15 milyon tona çatacaq
Bakı Limanının birinci fazasının tikinti layihəsi bu ilin ortalarında yekunlaşacaq. Bu isə Bakı Limanının yükaşırma qabiliyyətinin 15 mln tona çatmasına səbəb olacaq.
1news.az xəbər verir ki, bunu Bakı Beynəlxalq Dəniz Ticarət Limanı” QSC-nin baş direktoru Taleh Ziyadov jurnalistlərə açıqlamasında deyib:
“Bu işlər başa çatandan sonra Bakı Limanı 20 futluq 100 min konteyner aşırma gücü əldə edəcək. İkinci fazada bu, 500 minə qədər çatdırıla bilər. Önümüzdəki üç beş il ərzində Bakı Tbilisi-Qars, Çinin bir kəmər-bir yol layihəsinin işə düşməsindən sonra konteyner aşırmasında ciddi artım gözləyirik”.
Taleh Ziyadov Bakı Limanının 8-11may tarixlərində beynəlxalq tədbirə ev sahibliyi edəcəyini də diqqətə çatdırıb:
“8-11 may tarixlərində Bakıda dünya limanlarının konfransı keçiriləcək. Tədbirlə bağlı böyük ümidlərimiz var”.
P.Sultanova
