BƏƏ – Azərbaycan Ticarət Məclisinin illik görüşünü keçirilib
Birləşmiş Ərəb Əmirliklərinin (BƏƏ) Azərbaycandakı fövqəladə və səlahiyyətli səfiri Məhəmməd Əl Qubaisi BƏƏ – Azərbaycan Ticarət Məclisinin illik görüşünü keçirib.
1news.az-a səfirlikdən verilən məlumata görə,diplomat bildirib ki, 2017-ci ildən bəri qeyd edilən Ticarət Məclisi BƏƏ ilə Azərbaycan arasında ikitərəfli əlaqələrin inkişafına böyük töhfə verib. Əgər ilk dəfə 2017-ci ilin may ayında keçirilən Ticarət Məclisinin 9 iştirakçısı var idisə, bu gün onların sayı 34-dür. 2017-ci ilin mart ayına qədər iki ölkə arasında uçuşlar həyata keçirən yalnış iki BƏƏ şirkəti var idisə (Fly Dubai və Air Arabia), bu gün artıq üç şirkət uçuşlar keçirir. Belə ki, üçüncü şirkət - Etihad Hava Yolları BƏƏ-nin ikinci ən böyük hava yolları şirkətidir.
Səfir çıxışı zamanı bir sıra faktlara toxunub:
1.2016-cı ildə BƏƏ-dən Azərbaycana qeyri-neft ixracatının həcmi 49,6 milyon dollar olmuşdusa, 2017-ci ildə bu rəqəm 60 milyon dollara çatıb.
- 2016-cı ildə Azərbaycandan BƏƏ-yə qeyri-neft idxalının həcmi 2,9 milyon dollar idisə, 2017-ci ildə bu rəqəm 5,4 milyon dollara yüksəlib.
- Azərbaycan Dubayda keçirilmiş qida sərgisində, həmçinin BƏƏ şirkətləri də Bakıda keçirilən sərgilərdə iştirak ediblər.
- BƏƏ bazarlarında Azərbaycan istehsalı olan təbii şirələrə, mineral sulara, konservləşdirilmiş ərzaq məhsullarına, ət məhsullarına və müxtəlif meyvə çeşidlərinə rast gəlmək olar.
Məclis qarşısındakı çıxışı zamanı səfir həmçinin ticarət əlaqələrinə, xüsusən maliyyə sektoruna yönəlmiş çətinlik və probləmlərə də toxunub. Belə ki, BƏƏ – Azərbaycan Ticarət Məclisi maliyyə şirkətlərini investorlar qarşısında duran bu problemlərin və çətinliklərin asanlaşdırılmasına yönəlmiş hədəflərə cəlb etməyə, müştərək layihələrin həyəta keçiorilməsi yolu ilə ticari-iqtisadi əlaqələrin inkişaf yollarının öyrənilməsinə, iki ölkə arasında ticarət dövriyyəsinin həcmi qarşısında duran çətinliklərin aradan qaldırılması üzərində işə, ticari və iqtisadi müxanizləri asanlaşdırmağa çağırır.
Fəxri qonaq qismində iştirak edən Azərbaycan iqtisadiyyat nazirinin müavini Rüfət Məmmədov da çıxış edib. O, səfirin böyük əhəmiyyət kəsb edən Ticarət Məclisini keçirmək təşəbbüsünü yüksək qiymətləndirərək əlavə edib ki, keçən ilkindən fərqli olaraq, iştirakçıların sayındakı artımla bu ilki Məclisə daha böyük maraq var və bu istiqamətdə fəaliyyətə yönəlmiş cəhdləri dəstəklənməlidir.
Ticarət Məclisində Azərbaycan İqtisadiyyat Nazirliyinin və "AZPROMO"nun nümayəndələri, həmçinin hər iki ölkədən olan şirkətlər və iş adamları iştirak ediblər.
P.Sultanova
