1news.az

Çempionlar Liqasında yeni rekord

18 Aprel saat 17:23 ~ 1 dəqiqəlik oxu 113
Çempionlar Liqasında yeni rekord

Məlum olduğu kimi, futbol üzrə UEFA Çempionlar Liqasının 1/4 final mərhələsi çərçivəsində İngiltərənin "Mançester Siti" və "Tottenhem" klubları arasında keçirilən cavab oyununda meydan sahibləri 4:3 hesabıyla qalib gəldilər.

1news.az Komanda.az-a istinadən xəbər verir ki, bu oyun bir sıra rekordlarla yadda qalıb. Belə ki, matçda ilk 4 qol 11-ci dəqiqəyə qədər vurulub ki, ÇL tarixində bu müddət ərzində belə məhsuldarlıq qeydə alınmamışdı.

21-ci dəqiqədə isə beşinci qol qeydə alındı ki, bu da ÇL tarixində yeni rekorddu. Bundan əvvəlki rekord 2016-cı ildə baş tutmuş "Borussiya" (Dortmund, Almaniya) - "Legiya" (Polşa) matçında qeydə alınmışdı (24-cü dəqiqədə 3:2).

Xatırladaq ki, ilk oyunda minimal hesabla qalib gəlmiş "Tottenhem" cavab matçında uduzsa da, səfərdə daha çox qol vurması sayəsində yarımfinala yüksəlib.

1news.az

OXUCULARIN SEÇİMİ
REDAKSİYANIN SEÇİMİ
Futbol BÖLMƏSİNDƏN DİQƏR XƏBƏRLƏR

SON XƏBƏRLƏR

yuxarı
Materiallardan istifadə edərkən sayta mütləq istinad olunmalıdır.

© Copyright 2007-2019 "The First News" İnformasiya Agentliyi,,
Bütün hüquqlar qorunur
entonee.net