Demarkasiya üzrə Azərbaycan-Rusiya birgə komissiyanın iclası keçirilib

13-15 noyabr tarixlərində Moskva şəhərində Azərbaycan ilə Rusiya arasında dövlət sərhədinin demarkasiyası üzrə birgə komissiyanın 6-ci iclası keçirilib.

1news.az Azərbaycan XİN-in mətbuat xidmətinə istinadla xəbər verir ki, görüş zamanı  Azərbaycanla Rusiya arasında dövlət sərhədinin demarkasiyası prosesinin davam etdirilməsi ilə əlaqədar məsələlər müzakirə edilib, 2019-cü il üçün komissiyanın iş planı təsdiq olunub və iclasın protokolu imzalanıb.

Görüş mehriban qonşuluq və konstruktiv dialoq ruhunda baş tutub.

Birgə komissiyanın növbəti iclasının Azərbaycan ərazisində keçirilməsi nəzərdə tutulur. İclasın tarixi diplomatik kanallar vasitəsilə razılaşdırılacaqdır.

P.Sultanova