1news.az

“Dostluq üçün futbol” layihəsinin iştirakçıları “Sabah”ın qonağı olublar - FOTO

13 İyun saat 10:18 ~ 1 dəqiqəlik oxu 169
“Dostluq üçün futbol” layihəsinin iştirakçıları “Sabah”ın qonağı olublar - FOTO

“Dostluq üçün futbol” (Football for friendship) sosial layihəsində “Sabah” FK-nı və ölkəmizi təmsil etmiş məşqçi Samir Əbdürəhmanov, futbolçular Babamirzə Mehdiyev, Ayxan Əlizadə, Fatimə Məhərrəmli və azyaşlı jurnalist Timur Jeltenkov “Sabah” FK-nın qonağı olublar.

1news.az-ın məlumatına görə, klub prezidenti Maqsud Adıgözəlov, əsas komandanın baş məşqçisi Elşad Əhmədov və yarımmüdafiəçi Rəşad Eyubov İspaniyanın paytaxtı Madriddə baş tutmuş sosial layihədə iştirak etmiş təmsilçilərimizin səfər təəssüratlarıyla tanış olub, turnirdə ölkəmizi və “Sabah” Futbol Klubunu layiqincə təmsil etdiklərinə görə onları təbrik ediblər.

“Sabah” FK-nın U-12 komandasının baş məşqçisi Samir Əbdürəhmanov bu cür turnirlərin azyaşlı futbolçular üçün əhəmiyyətini vurğulayaraq, klub rəhbərliyinə hərtərəfli dəstəyə görə təşəkkür edib.

Xatırladaq ki, qapıçımız Ayxan Əlizadənin çıxış etdiyi “Antiguan Racer” komandası turniri çempion kimi başa vurub. Digər futbolçularımızdan Babamirzə Mehdiyevin komandası mübarizəni qrup mərhələsində, Fatimə Məhərrəmlinin oynadığı komanda isə yarımfinalda dayandırıb. Məşqçimiz Samir Əbdürəhmanov “Dostluq üçün futbol beynəlxalq məşqçilər akademiyası”nın təlimlərində fəal iştirak etdiyi üçün təşkilatçılar tərəfindən xüsusi diplomla təltif edilib.

Məşqçimiz və futbolçularımız iyunun 1-də, Madridin “Vanda Metropolitano” stadionunda Çempionlar Liqasının final görüşünü canlı izləyiblər.

1news.az

OXUCULARIN SEÇİMİ
REDAKSİYANIN SEÇİMİ
Azərbaycan futbolu BÖLMƏSİNDƏN DİQƏR XƏBƏRLƏR

SON XƏBƏRLƏR

yuxarı
Materiallardan istifadə edərkən sayta mütləq istinad olunmalıdır.

© Copyright 2007-2019 "The First News" İnformasiya Agentliyi,,
Bütün hüquqlar qorunur
entonee.net