Dostunun arvadına dərman verib təcavüz edibmiş

İstanbulun Kağıthane rayonunda şəriki 33 yaşlı Cəmil Şanlını öldürən Okan Alçıtəpə ilk dəfə hakim qarşısına çıxıb. 

1news.az-ın Oxu.az-a istinadən verdiyi xəbərə görə, İstanbıl Ağır Cinayətlər Məhkəməsində Okan cinayəti necə törətdiyini danışıb.

Onun sözlərinə görə, 2014-cü ildə oğlu dünyaya gəlib. Bir müddət sonra oğlunun ona oxşamadığını görən Okan DNT analizi verib və uşağın başqasından olduğunu öyrənib. Həyat yoldaşı E.A. Cəmil Şanlının ona dərman verərək, təcavüz etdiyini bildirib. 

Bundan sonra Okan ailəsi ilə birlikdə başqa yerə köçüb. Bir müddət sonra Okanla Cəmil qarşılaşıb. Bu zaman Cəmilin “Sən burada nə edirsən?” sualından sonra tərəflər arasında mübahisə düşüb. Okan üzərindəki silahdan Cəmilə 3-4 dəfə atəş açıb. 

Hakimlər qərarın növbəti prosesdə açıqlanacağını bildiriblər.

1news.az