Əfsanənin yeni formatda qayıdışı: Bakıda yenidən “1033” klubu açılır – FOTO
Dekabrın 15-də Tbilisi prospekti 27 ünvanında “1033” gecə klubu yenidən öz qapılarını klubsevərlərin üzünə açacaq.
Gecə klubunun qayıdışı bakılı klubsevərlər və sosial şəbəkə istifadəçiləri arasında geniş rezonans yaradıb.
Məhz “1033” bir zamanlar Bakının klub fəaliyyətinə start verib. Bu məkanı bir çoxları hələ də xoş xatirələrlə, əlbəttə ki, sevgi və nostalji ilə yada salır. Orada keçirilmiş möhtəşəm və əfsanəvi əyləncələr yaddaşlara həkk olunaraq klubsevərlər arasında unudulmaz xatirələr buraxıb.
“1033” gecə klubu üçün darıxanları sevindirməyə tələsirik. Belə ki, yaxın günlərdə klub Azərbaycan paytaxtına yenidən – yeni formatda və yeni ünvanda qayıdacaq.
“Əsl klubsevərlər üçün əla məkan” məhz “1033” klubunun yeni şüarı bu cürdür. Klubun dekabrın 15-də Tbilisi prospekti 27 ünvanında, ASK Plazada möhtşəm açılışı baş tutacaq. Klub geniş məkanı və iri miqyası ilə bütün klubsevərləri qəbul etməyə hazırdır.
Open doors gününə həsr olunmuş əyləncə ilə bağlı məlumat bəllidir. Açılışda old school-un nümayəndələri, əfsanəvi “1033” klubunun əsas ulduzları – Dubaydan dəvət olunmuş DJ Shock, Azərbaycan repinin superulduzu Elşad Xose, adı hələ ki, sirr saxlanılsa da, hər kəsin sevimlisi və məşhur xüsusi qonaq olacaq.
Məhz DJ Shock-un, reper Elşad Xosenin və xüsusi qonağın açılış gecəsinə dekabrın 15-də dəvəti bu məşhurların əfsanəvi klubla birbaşa həmahəng olması, eləcə də klubun fəaliyyəti müddətində ayrılmaz hissəsi olmalarından irəli gəlir.
“Mən old school-un nümayəndələrindən olmuşam. Bir zamanlar “1033” klubunda əylənmişəm və buradakı möhtəşəmliyə öz gözlərimlə şahid olaraq, klubun həyatında fəal iştirak etmişəm. Bu da yeni “1033” klubuna rəhbərlik etməyim üçün əsas faktorlardan biridir. Yaşıdlarım kluba gələrək öz gəncliyini xatırlayacaq, yeni nəsil isə əfsanəvi klubun möhtəşəm qayıdışının şahidi olacaq. Əminəm ki, hər bir kəs klub haqqında çox şey və yalnız yaxşı sözlər eşidib. Yeni format, yeni ünvan, yeni komanda olmasına baxmayaraq, “1033” klubundan hər kəsin razı qalması üçün əlimzindən gələni etmişik”, – klubun yeni rəhbəri Anar Nəzərov bildirib.
Həmçinin əyləncəli gecədə “Eurovision” beynəlxalq mahnı müsabiqəsində iştirak etmiş azərbaycanlı ulduz, “O ses Turkiye”nin qalibi Elnur Hüseyov, Dj Kanan Drums, klubun daimi üzvləri DJ Ed və Dj Rafo da iştirak edəcəklər.
Bütün qonaqları xaricdən xüsusi dəvət olunmuş rəqqasələrin müşayiəti ilə füsunkar rəqs şousu, tədbirin təşkilatçılarının təşkil etdiyi maraqlı sürprizlər gözləyir.
Instagram – https://www.instagram.com/1033baku/
Əlaqə nömrəsi (+99451) 800-10-33
Reklam hüququnda
