Elvin İsmayılov: Bu gün Milan Politexnik Universitetinə təqaüd almağım BANM-da əldə etdiyim uğurun nəticəsidir | 1news.az | Xəbərlər
Cəmiyyət

Elvin İsmayılov: Bu gün Milan Politexnik Universitetinə təqaüd almağım BANM-da əldə etdiyim uğurun nəticəsidir

11:06 - 23 / 07 / 2018
Elvin İsmayılov: Bu gün Milan Politexnik Universitetinə təqaüd almağım BANM-da əldə etdiyim uğurun nəticəsidir

BANM-a 5 il öncə 675 balla daxil olan və bu il məzun olaraq İtaliyanın Milan Politexnik Universitetində ödənişsiz magistratura təhsilini davam etdirəcək Elvin İsmayılovla müsahibəni təqdim edirik.

Bu haqda 1news.az-a BANM-ın İctimaiyyətlə əlaqələr şöbəsindən məlumat verilib.

- Elvin, bu il BANM-ı bitirib məzun oldunuz. BANM-ın  məzunu olmaq sizin üçün nə deməkdir?

- İlk öncə bizim Ali Məktəbimizin tələbəsi olmağın nə demək olduğunu sizə deyim.   BANM-ın tələbəsi olmaq  - savadlı və təcrübəli müəllim-professor heyətinə sahib, yeni təlim-tədris metodlarının tətbiq olunduğu, müasir standartlara uyğun tədris proqramı, laboratoriyalar və bu kimi digər əvəzolunmaz üstünlüklərə malik bir ali məktəbin yaratdığı imkanlardan yararlanan çox şanslı bir gənc olmaq deməkdir. BANM-ın məzunu olmaq isə yüksək rəqabətli iş mühitində dayanıqlı, müasir texnologiyaya və istehsalata bələd, bilikli, məsuliyyətli və daim öz üzərində çalışmaqla inkişafda olan bir mütəxəssis olmaq deməkdir.

- İtaliyanın Politexnik Universitetinə daxil olmusuz. Akademik və digər uğurlarınızda kimin və ya nəyin rolu vardır?

- Uğurlarımda hər zaman mənə motivasiya verən və dəstək olan ailə üzvlərimdir. Akademik göstəricilərin yaxşı olması və digər bununla bağlı uğurlar ilk öncə üzərimdə olan məsuliyyəti tam dərk etməyimlə bağlıdır. Çünki gediləcək yolun sonundakı nəticəni görmək arzusu insanı ora çatmağa daha da ruhlandırır. Belə olan halda bu insanı daha inadkar, yorulmaz, və daim axtarışda olan birinə çevirir.

- BANM-a daxil olanda, yoxsa Milan Politexnik Universitetinə daxil olanda daha çox sevinmişdiz?

- Əgər nəzərə alsaq ki, orta məktəbi bitirdikdən sonra ilk uğurum BANM-a daxil olmağım idi, bu daha çox sevindirici idi. Həm də unutmaq olmaz ki, Milan Politexnik Universitetinə daxil olmağım BANM-da təhsil aldığım beş ilin uğurlu nəticəsidir.

- İtaliyada magistraturanı bitirdikdən sonra vətənə qayıdacaqsız, yoxsa həyatınızı və karyeranızı Azərbaycandan kənarda planlayırsız?

- Düzünü desəm, magistratura təhsilimdən sonra karyeramı xaricdə başlamaq və bir müddət orada yaşamaq mənim hədəfimdir. Buna səbəb hal-hazırda ölkəmizdə yeni tikilən zavodların, qazılan neft quyularının və istehsalatın digər əlaqəli sahələrindəki proseslərin texnologiyasının, tələblərinin  müasirləşməsidir. Mən inanıram ki, xarici ölkələrin sahib olduğu müasir texnologiya və onun elementlərini mənimsəyib daha sonra bu təcrübəni Azərbaycana gətirməklə ölkəmə daha faydalı ola bilərəm.

- BANM-da “Proseslərin avtomatlaşdırılması mühəndisliyi”, Milan Politexnik Universitetində isə “Avtomatika və idarəetmə mühəndisliyi” ixtisasını seçmisiz. Avtomatikaya sizdə həvəs hardandı?

- Mənim nümunəmdə bu sahəyə istiqamətlənmə hələ uşaq vaxtlarından elektronikaya, idarəetməyə olan böyük maraqla bağlıdır. Lakin bu sahəni böyüdükdən sonra da sevməyimin səbəbi atamın müasir istehsalatda avtomatik idarəetmənin təsirlərindən tez tez danışaraq məni motivasiya etməsi olub. Düşünürəm ki, gənclər gərək öz dövrlərinin deyil, ən azından 10 il daha sonra aktual olacaq bir sahənı araşdırsınlar və həmin istiqamətdə olan ixtisaslarda təhsil alsınlar. Mənim ixtisasım əslində yeni olmasa da onun müasir dünyada tətbiqləri yeniləşir və bu yeniləşmə özünü dar bir çərçivədə deyil bir-biri ilə sıx əlaqədə olan bir neçə ixtisasın inkişafında nümayiş etdirir. Belə olan halda isə ixtisasım məni həm qane edir, həm də daim axtarılan bir potensial mütəxəssisə çevirmiş olur.

- Elvin, niyə işləməyi deyil, təhsilinizi davam etdirməyi üstün tutdunuz?

Əslinə qalsa, mən artıq öz ixtisasımla bağlı karyerama başlamışam.Hazırda SOCAR Polymer şirkətində kiçik Avtomatlaşdırma və idarəetmə sistemləri mühəndisi olaraq işləyirəm. Lakin daha əvvəl də qeyd etdiyim kimi ixtisaslaşdığım sahə çox geniş profilə malikdir və inkişafı çox sürətlə baş verir. Buna görə də müasir tələblərə cavab verə bilmək və daha mütərəqqi işlərə cəlb oluna bilməyim üçün təhsilimi davam etdirmək mənim üçün daha vacib görünür.

- Gələcəklə bağlı nə planlarınız var?

- Qarşımdakı ən yaxın hədəf magistratura təhsilimi uğurla bitirmək, və daha sonra da uyğun iş tapmaqdır.

- Sizcə, insanın uğur əldə etməsi nədən asılıdır?

- İstənilən sahədə uğur qazanmaq üçün ilk öncə bütün  marağınla həmin işə başlamaq lazımdır.  Uğurun qazanılması zəncirvari prosesdir, ilk uğurunuz növbəti uğurları da  gətirəcək. Məsələ odur ki, daha böyük uğurlar daim böyük uğursuzluqların sonrasında gizlənir. Buna görə də, uğurlar ruh yüksəkliyi, yorulmazlıq və son hədəfə çatmaq üçün inadkarlıq tələb edir.

- Bəs siz tələbə adını qazanmaq arzusunda olan gənclərə nə məsləhət görərdiz?

- Mən məsləhət görərdim ki, tədris olunan materialları əzbərləməkdən çəkinsinlər və hər bir mövzunu özlərinə rahat olan formada yadda saxlasınlar. Sınaq imtahanlarında mütəmadi iştirak etsinlər və hər dəfə ayrı imtahan mərkəzində olsunlar. Bu onlara imtahan məkanı stresini yaşamaqdan xilas edəcək. Asudə vaxtlarını da dərs oxumaqla deyil, istirahət etməklə keçirsinlər. Son olaraq, özlərinin bilik və maraq səviyyəsinə uyğun hədəflərini əvvəlcədən müəyyənləşdirsinlər. Bu zaman onlar həm maraqlı tələbəlik illəri yaşayacaqlar, həmçinin ailələrini sevindirə biləcək və ölkəmizə yaralı ixtisaslı kadr kimi yetişəcəklər.

S.Xankişiyeva

 

 

 

Paylaş:
732

Son xəbərlər

Ramazan bayramı günlərində Bakı-Qəbələ qatarları hər gün hərəkətdə olacaqBu gün, 12:28Qızıl və gümüşün bahalaşması davam edirBu gün, 12:21İctimai-iaşə obyektlərinin sahiblərinə çağırışBu gün, 12:15“N” hərbi hissəsində komanda-qərargah təlimi keçirilib - FOTOBu gün, 12:14Siyavuş Novruzov: “Bəzi şəxslər Azərbaycanda da terrorun olmasını istəyirdi”Bu gün, 12:02Növbəti köç karvanı Füzuliyə çatıb - YENİLƏNİBBu gün, 11:55Azərbaycanda ötən gün 50 kiloqramdan artıq narkotik aşkarlanıbBu gün, 11:51FHN: Ötən sutka 39 yanğına çıxış olub, 57 nəfər təxliyə edilibBu gün, 11:39Sahibə Qafarova iclasda erməni həmkarı ilə görüşündən danışdıBu gün, 11:29Azərbaycan Mərkəzi Bankının valyuta məzənnələriBu gün, 11:20Azərbaycanlı şagird Harvard Universitetinə qəbul olubBu gün, 11:18PAŞA Qrup şirkətləri tərəfindən Novruz bayramı ərəfəsində növbəti sosial aksiya keçirilib - FOTOBu gün, 11:09Milli Məclisin iclası başlayıb, 21 məsələ müzakirə olunacaq - SİYAHIBu gün, 11:02Quş qripi xəstəliyinə qarşı epizootoloji monitorinq keçiriləcəkBu gün, 10:56Azərbaycanda ilk sosial televiziya fəaliyyətə başlayacaqBu gün, 10:44Xankəndidə avtomat və qumbaralar aşkarlanıbBu gün, 10:35Ombudsman 31 Mart – Azərbaycanlıların Soyqırımı Günü ilə əlaqədar bəyanat yayıbBu gün, 10:23NYMEX əmtəə birjasında təbii qazın qiyməti artıbBu gün, 10:01Xırdalanda partladıcı və qumbaralar tapılıb - VİDEOBu gün, 09:46Azərbaycan neftinin qiyməti 89 dolları ötübBu gün, 09:44
Bütün xəbərlər