Elxan Məmmədov: Di Matteo ilə heç vaxt əlaqəmiz olmayıb, De Byazi ilə üç il əvvəl danışmışıq | 1news.az | Xəbərlər
Futbol

Elxan Məmmədov: Di Matteo ilə heç vaxt əlaqəmiz olmayıb, De Byazi ilə üç il əvvəl danışmışıq

16:26 - 14 / 12 / 2018
Elxan Məmmədov: Di Matteo ilə heç vaxt əlaqəmiz olmayıb, De Byazi ilə üç il əvvəl danışmışıq

AFFA-nın baş katibi Elxan Məmmədov 1news.az-a verdiyi müsahibəsində Azərbaycanın gənclər və milli yığması üçün yeni baş məşqçilər axtarışları haqqında danışıb.

- Azərbaycanın milli yığmasına baş məşqçi axtarışı hansı mərhələdədir?

- AFFA-nın Baş Katibliyinə və Məşqçilər Komitəsinə potensial namizədlərin siyahısının hazırlanması ilə bağlı tapşırıq verilib. Hazırda bütün diqqətimiz gənclər yığmasına cəmləşdirilib. Hər gün Vaqif Sadıqovun rəhbərliyi ilə Məşqçilər Komitəsi əcnəbi məşqçilərlə müsahibə aparır.

Bu müsahibələrdə təbii ki, AFFA-nın texniki direktoru Berhard Lippert ilə yanaşı mən də iştirak edirəm. U-17 və U-21 yığmaları üçün məşqçilər axtarırıq. Bir daha təkrar edirəm ki, xarici məşqçilər Bakıya gəlir və biz onlarla müsahibələr aparırıq.

- Yəni demək olar ki, bütün yığmalarda axtarışlar əcnəbi mütəxxəssislərlə aparılır?

- Çox güman ki, məşqçilərdən biri əcnəbi olacaq. O, ya U-17, ya da U-21 yığmasına təyin ediləcək. Bu sahədə uzun illər tətbiq etdiyimi öz fəlsəfəmiz var. Namizədlər üçün düzgün məqsədlər qoymuşuq. Vacib məqamdır ki, yığmalarımız elit mərhələdən keçsin.

Baş yığma ilə bağlı azad məşqçiləri gözdən keçiririk. Hələ ki, siyahı hazırlanır. Hələlik heç bir danışıqlar aparılmayıb və heç kəslə görüşülməyib. Çox güman ki, ilin sonuna qədər bir sıra namizədlərlə görüşlər keçiriləcək və danışıqlar aparılacaq.

- Qurban Qurbanovun gedişindən sonra yeni baş məşqçinin italyan olacağı ilə bağlı söz-söhbətlər yayıldı. Bu, nə dərəcədə həqiqətə uyğundur?

- Geniş namizədlər siyahımız var. Burada italyan namizədlərin də adı yer alıb. Lakin milli yığma üçün məşqçini milliyyətinə görə axtarmırıq. Əsasən namizədin işi, təcrübəsi, təhsili, əldə etdiyi nəticələr maraqlıdır. Ən əsası isə məşqçi Azərbaycanda yaşamağa hazır olsun.

- Daha çox Roberto Di Matteo və Canni De Byazinin adı hallanır.

- Sonuncu dəfə De Byazi ilə Robert Prosineçkinin təyinatından əvvəl danışmışıq. Lakin o zaman xorvatı seçdik.

Roberto Di Matteoya gəlincə, anlaya bilmirəm onun namizədliyi barədəsində fikirlər haradan yaranıb. Heç vaxt onunla əlaqə saxlanılmayıb, nə üç il əvvəl, nə indi. Həmçinin onun adının hallanması da təəccüb doğurur.

Hazırda bir çox agentlər meydana çıxıb. Onlar mətbuata bir çox adları “tullayır” və bununla da həmin məşqçinin məbləğini artırmağa çalışır.

Tərcümə: S.Xankişiyeva

 

Paylaş:
791

Son xəbərlər

İki ali məktəbə prorektor təyin edilibBu gün, 17:58Himayədar ailə olma zamanı tibbi müayinə pulsuz olacaqBu gün, 17:51Qubanın bir hissəsinin qaz təchizatında fasilə yaranacaqBu gün, 17:466 aylıq körpə bacısının dırnağını ağzına saldı, xəstəxanalıq olduBu gün, 17:37Əməkdar artist Rahib Əliyev vəfat edibBu gün, 17:28CAR lideri Prezident İlham Əliyevi təbrik edibBu gün, 17:21Taksilərlə bağlı tələblər müəyyənləşdi - 15 il, kamera, “avro-5”, elektrik mühərrikli - ŞƏRTLƏRBu gün, 16:47Bakı ətrafında dəmir yolu ilə sərnişindaşımaya subsidiya verilməsi qaydaları təsdiqlənibBu gün, 16:34Taksi minik avtomobilləri ağ və ya qırmızı rənglərdə olacaqBu gün, 16:21Builki bayram günlərində yol qəzalarında ölüm faktı 36 faiz azalıbBu gün, 16:06“Azərbaycan Sənaye Bankı” tələbləri pozdu, AMB məcburi sərəmcam verdiBu gün, 15:57FHN və ADY birgə təlim keçirib - FOTO - VİDEOBu gün, 15:34Vilayət Eyvazov Şamaxıda vətəndaşları qəbul edibBu gün, 15:18Bayram günlərində “Azərpoçt”un xidmətlərindən 400 mindən çox vətəndaş istifadə edibBu gün, 15:08“YAŞAT” Fondu müharibə əlilinə dəstək veribBu gün, 14:36“Azərişıq” Göyçayda yenidənqurma işlərinə başlayıb - VİDEOBu gün, 14:30Ekspert taksi islahatlarından danışdı: Birdən-birə 40 min nəfəri işsiz qoymaq doğru deyilBu gün, 14:29Könül Nurullayeva: “ABŞ-Ermənistan-Avropa İttifaqı hərbi paktı regionda sabitliyə, sülhə qarşı yönəlib”Bu gün, 14:13Azərbaycanda 23 yeni narkotik vasitə qadağan edilmiş maddələrin siyahısına əlavə olunduBu gün, 13:23Bakı şəhər “Lifttəmir” İB-nin direktoruna şiddətli töhmət verilib, 2 nəfər vəzifəsindən kənarlaşdırılıbBu gün, 13:10
Bütün xəbərlər