Əsgər Heydər Əliyev babasının məzarını ziyarət edib – VİDEO
Azərbaycan Respublikasının Prezidenti İlham Əliyevin oğlu, əsgər Heydər Əliyev babası, Ümummilli lider Heydər Əliyevin məzarını ziyarət edib.
O, Dövlət Təhlükəsizliyi Xidmətinin şəxsi heyəti, əsgər yoldaşları ilə birgə Fəxri Xiyabana gələrək Ümummilli liderin anım günü ilə əlaqədar onun məzarı önünə gül dəstələri düzüb.
Dövlət Təhlükəsizliyi Xidmətinin rəisi general-polkovnik Mədət Quliyev də ziyarətçilər arasında olub, Ümummilli liderin xatirəsinə ehtiramını bildirib.
Qeyd edək ki, Azərbaycan Prezidenti İlham Əliyevin oğlu Heydər Əliyev bu il ADA Universitetini müvəffəqiyyətlə bitirdikdən sonra Dövlət Təhlükəsizliyi Xidmətinin N sayli hərbi hissəsində əsgərlik xidmətinə başlayıb. Sentyabrın 16-da Əliyevin andiçmə mərasimi baş tutub.
Bununla da o, həyatinin böyük hissəsini Dövlət Təhlükəsizliyi Xidmətinə həsr etmiş dahi babasının – Azərbaycanın Ümummilli lideri Heydər Əliyevin yolunu davam etmiş oldu.
S.Xankişiyeva