#FootballTalks: Bəhlul Mustafazadə “Qəbələ” və “Sumqayıt”dakı karyerasından, Samir Abbasov və Roman Qriqorçuk barədə – VİDEO
MFL TV-nin efirində #FootballTalks proqramının növbəti buraxılışı işıq üzü görüb.
1news.az-ın verdiyi xəbərə görə, verilişin növbəti qonağı “Qəbələ” klubunun müdafiəçisi Bəhlul Mustafazadə olub.
“Qəbələ”nin yetirməsi ölkənin ən perspektivli gənc oyunçularından biri olub, Azərbaycanın gənclər yığmasının (U-21) ötənilki mövsümünün kapitanı olub. Bu mövsümdən etibarən “Qəbələ”nin əsas heyətində çıxış edir.
Veriliş zamanı Bəhlul karyersından bəhs edib. Verilişin ən yaddaqalan məqamlarını diqqətinizə çatdırırıq:
“Qəbələ” uşaqlıqdan mənim üçün doğma klubdur. Buna görə də komandaya qayıtdıqdan sonra heç bir problem yaşanmadı. Bir zamanlar “Sumqayıt”a getdim, belə ki mənə daha çox oyun lazım idi. Premyer Liqada təcrübə mənə çox şey verdi.
Əvvəllər mənə çətin idi, lakin zamanla baş məşqçinin məndən gözləntilərini anladım. Daha çox oynamağa başladım. Samir Abbasova çox minnətdaram. Emossional insan olsa da, onunla işləmək çox xoş idi. O, hər bir oyunçuya fərdi yanaşır.
Ötən mövsümdə yaxşı nəticə göstərdik. Avropa Liqasına yüksəlmək istədik. Təəssüflər olsun ki, sonda bir neçə detal çatışmadı. Lakin göstərdiyimiz nəticələrlə sumqayıtlıları sevindirə bildik.
Roman Qriqorçukla çox oyun oynaya bilmədim. O zamanlar çox gənc idim. O isə əsas heyətlə işləyirdi. Xatırlayıram ki, iclaslar zamanı gənc oyunçular arxa sıralarda otururdu. Qriqorçuk çox maraqlı insandı, iclas zamanı zarafat edə bilərdir.
Hələ ki, layiq olduğumuz yerdə deyilik. Başlıca problemimiz – qeyri-sabitlikdir. Bəzən çox yaxşı futbol nümayiş etdiririk, lakin stabillik yoxdur. Lakin zamanla Sənan Qurbanovun tələblərinə uyğunlaşırıq. Düşünürəm ki, qış fasiləsindən sonra irəliləyəcəyik”.
Veriliş çərçivəsində Bəhlul Mustafazadə United Sport MFL 2018/19-un futbolçusu Dilqəmə düzgün top seçməyə köməklik göstərdi. Futbolçular topların geniş çeşidi olan “United Sport” mağazasında oldular. Qısa dialoqdan sonra futbolçular topla rəftarla bağlı fikir mübadiləsi apardılar.
Sonra Bəhlul Mustafazadə masaüstü futbol oynamaq bacarığını da nümayiş etdirdi. Düzdü burada daha çox uğur #FootballTalks-un aparıcısı Rəfiqə Əzizin yanında oldu.
Tərcümə: S.Xankişiyeva
