“Hər zaman, hər yerdə birlikdəyik”: türk mediası Bakıdakı paraddan yazıb – FOTO – VİDEO

Türkiyənin aparıcı kanallarının baş səhifələrində Azərbaycan Ordusunun 100 illiyi münasibətilə keçirlmiş paradla bağlı xəbərlər yer alıb.

Türk agentlikləri, qəzet və telekanallarında yerləşdirilən video və foto reportajlarda “Azərbaycan Silahlı Qüvvələri 100 illiyini Bakının mərkəzində yerləşən “Azadlıq” meydanında təntənəli parad keçirdi” başlıqlar yer alıb.

Anadolu, TRT kanalı kimi dövlət kanalları, eləcə də Sabah, Haberler, Karar, Akşam, Yenisafak və digər nəşrlər paraddan geniş reportaj hazırladılar.

Müəllif yazılarında və reportajlarda qeyd edilir ki, “qardaş Azərbaycan mayın 28-də Demokratik Respublikasının 100 illiyini qeyd edərək, indi də Ordunun yaranma gününü qeyd edir. Biz hər zaman birlikdəyik”.

Azərbaycana Türkiyənin Baş Qərargah rəisi Hulusu Akarla gələn Türkiyənin müdafiə naziri Nurettin Canıklı “Twitter” hesabında yazıb:

“Azerbaycan Ordusunun 100. Kuruluş Yıl Dönümü kutlamaları için dost ve kardeş ülke Azerbaycan'ın başkenti Bakü'deyiz. Azadlık Meydanı'nda kara, hava ve deniz kuvvetlerinin katılımı ile gerçekleştirilen askeri geçit törenine iştirak ettik”.

Nazirin bu yazısına Türkiyənin dövlət başçısı Rəcəb Tayyib Ərdoğan “Davam!” tviti ilə cavab verib.

Və əlbəttə ki, Bakıda keçirilən parada qardaş ölkədən Azərbaycan Ordusunun 100 illiyi ilə əlaqədar keçiriləcək bayram tədbirlərində iştirak etmək məqsədilə Türkiyə Hərbi Hava Qüvvələrinin “Türk Ulduzları” aviasiya qrupu şousu türk mətbuatında geniş işıqlandırılıb.

Avia-şouda “Solo Türk” və “Türk Ulduzları” aviaqrupuna daxil olan 2 ədəd F-16 və 8 ədəd F-5 tipli təyyarələr nümayiş etdirilib.

Tərcümə: S.Xankişiyeva