1news.az

İsveçrədə beynəlxalq pianoçular müsabiqəsi keçirilib – FOTO

20 May saat 14:20 ~ 2 dəqiqəlik oxu 455
İsveçrədə beynəlxalq pianoçular müsabiqəsi keçirilib – FOTO

Mayın 17-də Cenevrədə Azərbaycan Respublikasının əməkdar artisti, pianoçu Adilə Əliyeva tərəfindən təşkil olunan beynəlxalq pianoçular müsabiqəsinə yekun vurulub.

1news.az-ın məlumatına görə, müsabiqə 1996-cı ildən etibarən fəaliyyət göstərir və hər dəfə orada 250-dən çox iştirakçı yarışır. 

Azərbaycanın İsveçrə Konfederasiyasındakı səfiri Xanım İbrahimova tədbirdə çıxış edərək Beynəlxalq Pianino Müsabiqəsinin uğurlu təşkilinə görə Adilə Əliyevaya təşəkkür ifadə edib və onun səyləri nəticəsində bu müsabiqəyə hər il daha çox iştirakçının qatıldığını söyləyib. O, keçən il ümummilli lider Heydər Əliyevin anadan olmasının ildönümü münasibətilə Azərbaycanın İsveçrədəki səfirliyi tərəfindən xüsusi mükafatın təsis edildiyi barədə məlumat verərək, ənənənin bu il də davam etdirilməsindən məmnunluğunu dilə gətirib və hazırkı müsabiqədə Azərbaycanın Diasporla İş üzrə Dövlət Komitəsinin sponsorluğu ilə Heydər Əliyev adına xüsusi mükafatın 5 iştirakçıya təqdim edilməsindən qürur duyduğunu vurğulayıb. 

Daha sonra X.Ibrahimova tərəfindən Heydər Əliyev fenomeni haqqında auditoriyaya məlumat verilib. Qeyd edilib ki, ümummilli lider ölkəmizin ən çətin dövrlərində xalqın tələbi ilə hakimiyyətə gəlib və 1993-2003-cü illərdə Azərbaycana rəhbərlik edib. Keçən əsrin 90-cı illərin əvvəllərində qonşu Ermənistanın Azərbaycana qarşı hərbi təcavüzü və iqtisadi tənəzzül Azərbaycanı mövcudluq mübarizəsi aparmağa vadar edib və belə çətin dövrdə məhz Heydər Əliyev Azərbaycan dövlətçiliyini qoruyaraq, ölkənin gələcək inkişafının təməlini qoyub.

Çıxışda həmçinin Azərbaycanın musiqi ənənələrinin zənginliyinə dəlalət edən faktor kimi Azərbaycanın Avroviziya mahnı müsabisində iştirakı qeyd olunub.

Çıxışlardan sonra qaliblərə mükafatlar, o cümlədən Heydər Əliyev mükafatı təqdim edilib və qaliblərin ifasında musiqi parçaları ifa edilib. 

Qeyd edək ki, bu ilki qaliblər arasında beş həmreylimiz də var. Həmçinin bu il ilk dəfə olaraq İsveçrənin Bern şəhərində yaradılmış Qarabağ Azərbaycan dili məktəbinin şagirdi də müsabiqədə iştirak edib. İsveçrə təhsil sisteminə inteqrasiya olummuş bu məktəbdə Azərbaycan dili, ədəbiyyatı və tarixi ilə yanaşı, şagirdlərə milli rəqs və musiqi dərsləri də keçilir.

1news.az

OXUCULARIN SEÇİMİ
REDAKSİYANIN SEÇİMİ
Cəmiyyət BÖLMƏSİNDƏN DİQƏR XƏBƏRLƏR

SON XƏBƏRLƏR

yuxarı
Materiallardan istifadə edərkən sayta mütləq istinad olunmalıdır.

© Copyright 2007-2019 "The First News" İnformasiya Agentliyi,,
Bütün hüquqlar qorunur
entonee.net