Maksim Şevçenko Rusiyadakı azərbaycanlı milyonçulara müraciət edib
Azərbaycanın və Rusiyanın deputatlarından və tanınmış ekspertlərindən ibarət nümayəndə heyətinin də iştirakı ilə 2016-cı ilin aprelində döyüşlər zamanı azad olunmuş Cəbrayıl rayonunun Cocuq Mərcanlı kəndində “Bakı və Moskva arasında geopolitik ox: Azərbaycan Rusiyanın Cənubi Qafqazda yeganə müttəfiqidir” mövzusunda konfrans keçirilib.
1news.az konfranda iştirak edən rusiyalı jurnalist, ictimai xadim Maksim Şevçenko ilə müsahibə hazırlayıb:
- Çıxışınız zamanı qeyd etdiniz ki, Rusiyanın informasiya məkanı və KİV-i ruslarla türklər arasınsa münasibətlərin əleyhinə yönəlib. Konkret olaraq bu məsələdə kimi nəzərdə tutursunuz?
- Sözsüz ki, erməni lobbisini. Hər şeyi öz adı ilə çağırmaq lazımdır. Bu lobbi Rusiya Federasiyasının maraqlarına deyil, Ermənistanın və beynəlxalq erməni institutlarının maraqlarına xidmət edir. Onlar Rusiyanın Türkiyə və Azərbaycanla yaxınlaşmasına mane olur.
- Rusiyanın bunları dəf etməsi üçün gücü yoxdur?
- Biz azad ölkəyik. Bazarımız da azaddır. Əgər azərbaycanlılar Moskvadakı media bazarında milyonçu həmyerlilərinin pullarında fəal iştirak etsəydilər, burada maraqlı rəqabət alınardı.
Anlayın, biz erməniləri düşmən hesab etmirik. Azad bazarda onlar məhsul gətirdi, siz isə yox.
- Müsahibələrinizdən birində Serqey Lavrovun ermənilərin maraqlarını lobbiləşdirməsini qeyd etmisiniz?
- Mən belə bir söz deməmişəm. Yəqin ki, bu, KİV-in təfsiridir. Mən hətta Serqey Lavrovun hansı miliyyətə mənsub olduğunu da bilmirəm. Çünki bu, məni maraqlandırmır.
- Rusiyanın XİN rəhbərinin milli mənsubiyyəti ölkənin xarici siyasətinə təsir edə bilərmi?
- Bilirəm ki, Yevqeniy Primakovun qrupu erməniyönümlü idi.
- Belə çıxır ki, təsir edə bilər?
- Ola bilsin. Primakov Ermənistanı Rusiyanın müttəfiqi olmasını təyin edib. Onların necə müttəfiq olmas mənimçün hər zaman anlaşılmaz qalıb. Çünki bu necə müttəfiqdir ki, onları hər zaman doyurmaq lazımdır. Ermənistan əhalisinin yarısı Rusiyada məskunlaşıb.
Tərcümə: S.Xankişiyeva
