1news.az

Malayziya səfirliyində başsağlığı kitabı açılıb

24 May saat 12:58 ~ 1 dəqiqəlik oxu 94
Malayziya səfirliyində başsağlığı kitabı açılıb

Malayziyanın Bakıdakı səfirliyində bu ölkənin sabiq kralı və indi hakimiyyətdə olan monarxın atası, Pahanq ştatının sabiq vəliəhd-hakimi Sultan Əhməd Şah Əl-Musta-İn ibni Əl-Məhrumın vəfatı münasibətilə başsağlığı kitabı açılıb.

Bu barədə 1news.az-a Malayziyanın Bakıdakı səfirliyindən məlumat verilib.

Sabiq kral mayın 22-də 88 yaşında vəfat edib Kuala-Lumpur Milli Ürək İnstitutunda  vəfat edib. O, mayın 23-də dəfn edilib.

Onun vəfatı ilə əlaqədar Pahanq ştatında bütün vətəndaşlar üçün 40 gün, kral ailəsinin üzvləri üçün isə 100 günlük matəm elan edilib.

Sultan Əhməd Şah Malayziya ştatlarının doqquz vəliəhd-hakimindən biri idi və 1979-1984-cü illərdə Malayziyanın kralı olub. Malayziya dövlət quruluşuna görə federativ konstitusiyalı monarxiyadır.

2019-cu ilin yanvarında səhhətinin pisləşməsi ilə əlaqədar Sultan Əhməd şah Pahanq sultanlığının taxtından imtina edib. Taxta onun ikinci oğlu, rəsmi vəliəhd Abdulla Riyatuddin Əl-Mustafa çıxıb.

Sultan Abdulla 2019-cu il yanvarın 31-də Malayziyanın kralı seçildikdən sonra II Abdulla adı ilə kral taxtına sahib olub.

P.Sultanova

OXUCULARIN SEÇİMİ
REDAKSİYANIN SEÇİMİ
Siyasət BÖLMƏSİNDƏN DİQƏR XƏBƏRLƏR

SON XƏBƏRLƏR

yuxarı
Materiallardan istifadə edərkən sayta mütləq istinad olunmalıdır.

© Copyright 2007-2019 "The First News" İnformasiya Agentliyi,,
Bütün hüquqlar qorunur
entonee.net