Messi Ronaldonun “Yuventus”a keçidinə münasibət bildirib
“Barselona”nın hücumçusu Lionel Messi Kriştiano Ronaldonun “Real”dan ayrılaraq Turinin “Yuventus” klubuna keçməsinə münasibət bildirib.
1news.az-ın Gazerta.ru-ya istinadən verdiyi xəbərə görə, o, portuqaliyalı hücumçunun Turin klubuna keçidinə təəccübləndiyini deyib:
“Ronaldonun “Yuventus”a keçəcəyini gözləmirdim. Onu “Real”dan kənarda təsəvvür etmirdim. Mən onunla çox klubun maraqlandığını eşidirdim. Ancaq “Yuventus”a keçməsi ən az ehtimal edilən variant idi. “Real” bundan sonra bütün titullar uğrunda mübarizə aparacaq. Amma “Yuventus” da Ronaldonun gəlişindən sonra Çempionlar Liqasında əsas favoritlərdən olacaq”.
Qeyd edək ki, 2009-cu ildən “Real”da çıxış edən Ronaldo bu yay 112 milyon avro qarşılığında “Real”dan “Yuventus”a transfer olunub.
Babək Cahandarov
