MFL-də yarımfinalçılar məlum oldu – FOTO – VİDEO | 1news.az | Xəbərlər
Futbol

MFL-də yarımfinalçılar məlum oldu – FOTO – VİDEO

15:50 - 23 / 04 / 2019
MFL-də yarımfinalçılar məlum oldu – FOTO – VİDEO

Azərbaycanın futbol üzrə ən böyük həvəskarlar liqası olan United Sport MFL 2018/19-da yarımfinala vəsiqə qazanan komandaların adı məlum olub.

1news.az-ın verdiyi xəbərə görə, aprelin 18-də 1/4 final mərhələsinin ilk oyunları keçirilib. “Səbail FK” 2:1 hesabı ilə “Rulewave Baku”ya, “Kapital Bank” 3:1 hesabı ilə “Peçat Dönər”ə, “Sirena Motors” 3:1 hesabı ilə “Cahmpion Sport FC”a, “Beerbaşa” isə 2:1 hesabı ilə “Galaxy FK” komandasına qalib gəlib.

1/4 final mərhələsinin ilk oyunlarının ən yaddaqalan məqamları:

Aprelin 22-də isə komandalar arasında 1/4 final mərhələsinin cavab oyunları keçirilib.

“Cahmpion Sport FC” – “Sirena Motors” görüşü 3:2 hesabı ilə birincilərin xeyrinə başa çatsa da, ilk oyunda rəqibinə 3:1 hesabı ilə qalib gələn “Sirena Motors” iki oyunun nəticəsinə görə yarımfinala vəsiqə qazanıb.

“Galaxy FK” – “Beerbaşa” oyunu da kifayət qədər maraqlı və gərgin mübarizə şəraitində keçib. “Galaxy FK” 2:1 hesabı ilə rəqibinə qalib gəlsə də, bu qələbə növbəti mərhələyə adlamaq üçün kifayət etməyib.

Belə ki, ilk görüşdə “Beerbaşa” da rəqibinə eyni hesabla qalib gəldiyindən cütün taleyinə penaltilər seriyasında aydınlıq gəlib. Burada daha dəqiq olan “Beerbaşa” futbolçuları (5:4) adlarını yarımfinala yazdırıblar.

“Rulewave Baku” – “Səbail FK” görüşü isə birincilərin aşkar üstünlüyü şəraitində keçib. İlk oyunda rəqibinə 2:1 hesabı ilə qalib gələn “Səbail FK” bu üstünlüyünü qoruya bilməyib. Rəqibinə 4:1 hesabı ilə qalib gələn “Rulewave Baku” komandası növbəti mərhələyə adlayıb.

“Kapital Bank” – “Peçat Dönər” görüşündə isə qalib müəyyənləşməyib – 2:2. Lakin ilk oyunda rəqibinə 3:1 hesabı ilə qalib gələn “Kapital Bank” yarımfinalda yarışmaq hüququ qazanıb.

Beləliklə, “Sirena Motors”, “Beerbaşa”, “Rulewave Baku” və “Kapital Bank” komandaları yarımfinala vəsiqə qazanıblar.

“Beerbaşa” və “Galaxy FK” arasında baş tutan dünənki matçdan öncə hər iki komandanın oyunçularından müsahibə almışdıq. İlk öncə “Galaxy FK” komandasından Orxan və Əsgərin suallarımıza verdiyi cavabları təqdim edirik.

İndi isə “Beerbaşa” komandasından Eyyub və Müseyibin suallarımıza verdikləri cavabları izləyə bilərsiniz.

Artıq məlum olduğu kimi, yarımfinalda “Sirena Motors” “Beerbaşa”, “Rulewave Baku” isə “Kapital Bank”la qarşılaşacaq.

Finala aparan yolun heç də asan olmayacağını demişdik. İndi isə əminliklə deyə bilərik ki, MFL tarixinin ən qaynar “play off” mərhələsi məhz bu mövsümə təsadüf edir.

Yarımfinal mərhələsinə adlayan hər bir komandanın çempion olmaq şansı var, əsas mükafatı kimin başı üzərinə qaldıracağını isə zaman göstərəcək. Bütün komandalara uğurlar arzu edirik!

1news.az

Paylaş:
752

Son xəbərlər

Beynəlxalq əmtəə, fond və valyuta bazarlarının göstəriciləriBu gün, 09:22Füzuli şəhərinə növbəti köç karvanı yola salınıbBu gün, 09:11Şirvanda saxlanılan şəxsdən 4 kiloqram narkotik vasitə götürülübBu gün, 09:08Bakının bir sıra yollarında nəqliyyatın hərəkətində çətinliklər yaranıbBu gün, 08:58İki ali məktəbə prorektor təyin edilib28 / 03 / 2024, 17:58Himayədar ailə olma zamanı tibbi müayinə pulsuz olacaq28 / 03 / 2024, 17:51Qubanın bir hissəsinin qaz təchizatında fasilə yaranacaq28 / 03 / 2024, 17:466 aylıq körpə bacısının dırnağını ağzına saldı, xəstəxanalıq oldu28 / 03 / 2024, 17:37Əməkdar artist Rahib Əliyev vəfat edib28 / 03 / 2024, 17:28CAR lideri Prezident İlham Əliyevi təbrik edib28 / 03 / 2024, 17:21Taksilərlə bağlı tələblər müəyyənləşdi - 15 il, kamera, “avro-5”, elektrik mühərrikli - ŞƏRTLƏR28 / 03 / 2024, 16:47Bakı ətrafında dəmir yolu ilə sərnişindaşımaya subsidiya verilməsi qaydaları təsdiqlənib28 / 03 / 2024, 16:34Taksi minik avtomobilləri ağ və ya qırmızı rənglərdə olacaq28 / 03 / 2024, 16:21Builki bayram günlərində yol qəzalarında ölüm faktı 36 faiz azalıb28 / 03 / 2024, 16:06“Azərbaycan Sənaye Bankı” tələbləri pozdu, AMB məcburi sərəmcam verdi28 / 03 / 2024, 15:57FHN və ADY birgə təlim keçirib - FOTO - VİDEO28 / 03 / 2024, 15:34Vilayət Eyvazov Şamaxıda vətəndaşları qəbul edib28 / 03 / 2024, 15:18Bayram günlərində “Azərpoçt”un xidmətlərindən 400 mindən çox vətəndaş istifadə edib28 / 03 / 2024, 15:08“YAŞAT” Fondu müharibə əlilinə dəstək verib28 / 03 / 2024, 14:36“Azərişıq” Göyçayda yenidənqurma işlərinə başlayıb - VİDEO28 / 03 / 2024, 14:30
Bütün xəbərlər