Mübariz Əhmədoğlu: Ermənistan Belarusdan əvvəl Rusiyanın tərkibinə daxil olacaq | 1news.az | Xəbərlər
Siyasət

Mübariz Əhmədoğlu: Ermənistan Belarusdan əvvəl Rusiyanın tərkibinə daxil olacaq

11:01 - 18 / 02 / 2019
Mübariz Əhmədoğlu: Ermənistan Belarusdan əvvəl Rusiyanın tərkibinə daxil olacaq

Rusiya ilə Belarusun münasibətlərindəki müəyyən aspektlər hətta ən pessimist Qərb ekspertlərinin diqqətini cəlb edib.

İndi Avropada hamı inanır ki, Belarus öz müstəqilliyini qorumaq uğrunda mübarizə aparmaq yolundadır. Rusiyanın yuxarı dairələri təkzib etsələr də  Putinlə Lukaşenkonun Soçidə bir günlük görüşündən sonra bəlli oldu ki, həqiqətən Rusiya ilə  Belarusun İttifaq dövlətinin yaradılması istiqamətində addımlarını addımlarını intensivləşdirmək niyyətləri var.

Vaxtilə ittifaq dövləti yarananda ilk olaraq o dövlətə qoşulanlar sırasında Ermənistanın da adı çəkildi. İndi Ermənistanın “müstəqil” siyasəti və ya Rusiyanın tərkibindən kənarda qalması Moskva üçün kifayət qədər ciddi təhlükə yaradır. Kreml bu təhlükələri aradan qaldırmaq üçün konkret addımlar atır: Rusiya Ermənistanın hərbisini öz hərbisinə birləşdirməklə böyük təxribat potensialını neytrallaşdırdı. Geosiyasi baxımdan da vəziyyət belədir. Amma Rusiya Ermənistanın iqtisadiyyatını birləşdirməkdə o qədər də uğur əldə edə bilməyib. Çünki Rusiyanın Ermənistan istiqamətində qurduğu bütün iqtisadi körpüləri Paşinyan yandırdı. Rusiyanın təsirindən çıxmaq üçün Ermənistan təkcə Qərb və İranla deyil, o cümlədən Çinlə də danışıqlar aparmağa başlayıb. İqtisadiyyatının vacib seqmentlərini, xüsusilə AES-nin tikilməsini Çinə tapşırmaq istəyir.

Rusiyada “məxməri inqilab” etmək üçün Ermənistanda təlim məşq toplantıları başlayıb və bu işin də başında Paşinyanın dayandığı təəccüblü deyil. Paşinyan Rusiyada liberal müxalifətin lideri N.İsayevlə görüşüb, əməkdaşlıq platforması yaratdı. Məhz bu platforma vasitəsilə Qərb Rusiyanın daxilində özünə ciddi rıçaq əldə edəcək.

Rusiya hər gün nadinc uşaq kimi Ermənistanın əlinin üstündən vura bilməz, onu etmə, bunu etmə-deyə bilməz. Ona görə Rusiya Ermənistan istiqamətində fundamental addımlar atdı. Rusiya və Belarus prezidentlərinin verdiyi bəyanatın daha vacib ünvanı məhz Ermənistandır. Bu  istiqamətdə çoxdan görülən hazırlıqlar yəqin yenidən başlanacaq. Ermənistanın Rusiyanın tərkibinə daxil olması üçün vaxtilə hətta referendum qrupları da yaradılmışdı.

Yalnız Rusiyanın tərkibinə daxil olduqdan sonra Ermənistanın anti-Rusiyaçılığı tamamilə neytrallaşdıra bilər.

Kreml Ermənistanı Rusiyanın tərkibinə daxil edirsə “Gülüstan” və “Türkmənçay” müqavilələrindəki dövr yada düşür. Çar Rusiyasının tərkibində “Ermənistan” yaradılarkən Zəngəzurda azərbaycanlılar məskunlaşmışdı və mahal olaraq müstəqil idi, İrəvan xanlığına tabe deyildi. Beləliklə Ermənistandakı referendum Zəngəzurun da taleyini həll edə bilər. Zəngəzur Azərbaycana qayıtdıqdan sonra Ermənistanın geosiyasi destruktiv aktivliyinə son qoyulacaqdır.

Mübariz Əhmədoğlu

Siyasi İnnovasiya və Texnologiyalar Mərkəzinin sədri, politoloq

 

Paylaş:
502

Son xəbərlər

İki ali məktəbə prorektor təyin edilib28 / 03 / 2024, 17:58Himayədar ailə olma zamanı tibbi müayinə pulsuz olacaq28 / 03 / 2024, 17:51Qubanın bir hissəsinin qaz təchizatında fasilə yaranacaq28 / 03 / 2024, 17:466 aylıq körpə bacısının dırnağını ağzına saldı, xəstəxanalıq oldu28 / 03 / 2024, 17:37Əməkdar artist Rahib Əliyev vəfat edib28 / 03 / 2024, 17:28CAR lideri Prezident İlham Əliyevi təbrik edib28 / 03 / 2024, 17:21Taksilərlə bağlı tələblər müəyyənləşdi - 15 il, kamera, “avro-5”, elektrik mühərrikli - ŞƏRTLƏR28 / 03 / 2024, 16:47Bakı ətrafında dəmir yolu ilə sərnişindaşımaya subsidiya verilməsi qaydaları təsdiqlənib28 / 03 / 2024, 16:34Taksi minik avtomobilləri ağ və ya qırmızı rənglərdə olacaq28 / 03 / 2024, 16:21Builki bayram günlərində yol qəzalarında ölüm faktı 36 faiz azalıb28 / 03 / 2024, 16:06“Azərbaycan Sənaye Bankı” tələbləri pozdu, AMB məcburi sərəmcam verdi28 / 03 / 2024, 15:57FHN və ADY birgə təlim keçirib - FOTO - VİDEO28 / 03 / 2024, 15:34Vilayət Eyvazov Şamaxıda vətəndaşları qəbul edib28 / 03 / 2024, 15:18Bayram günlərində “Azərpoçt”un xidmətlərindən 400 mindən çox vətəndaş istifadə edib28 / 03 / 2024, 15:08“YAŞAT” Fondu müharibə əlilinə dəstək verib28 / 03 / 2024, 14:36“Azərişıq” Göyçayda yenidənqurma işlərinə başlayıb - VİDEO28 / 03 / 2024, 14:30Ekspert taksi islahatlarından danışdı: Birdən-birə 40 min nəfəri işsiz qoymaq doğru deyil28 / 03 / 2024, 14:29Könül Nurullayeva: “ABŞ-Ermənistan-Avropa İttifaqı hərbi paktı regionda sabitliyə, sülhə qarşı yönəlib”28 / 03 / 2024, 14:13Azərbaycanda 23 yeni narkotik vasitə qadağan edilmiş maddələrin siyahısına əlavə olundu28 / 03 / 2024, 13:23Bakı şəhər “Lifttəmir” İB-nin direktoruna şiddətli töhmət verilib, 2 nəfər vəzifəsindən kənarlaşdırılıb28 / 03 / 2024, 13:10
Bütün xəbərlər