Politoloq: Ermənistanın müdafiə naziri Tonoyan blef etmirsə, deməli Ermənistanda hərbi çevrilişi razılaşdırıb | 1news.az | Xəbərlər
Siyasət

Politoloq: Ermənistanın müdafiə naziri Tonoyan blef etmirsə, deməli Ermənistanda hərbi çevrilişi razılaşdırıb

10:27 - 17 / 08 / 2018
Politoloq: Ermənistanın müdafiə naziri Tonoyan blef etmirsə, deməli Ermənistanda hərbi çevrilişi razılaşdırıb

Ermənistanın müdafiə naziri David Tonoyana Rusiyada münasibət birmənalı deyil, birmənalı olmamalıdır.

O,Ermənistan müdafiə nazirinin müavini işləyərkən KTMT üzvü olan Ermənistanın Qərblə hərbi sahədə əlaqələrini yüksək səviyyəyə qaldırmışdı, praktiki baxımdan zənginləşdirmişdi. Hətta NATO-da olan etimadının hesabına o  “statik müdafiədən aktiv cilovlamaya” konsepsiyasını qəbul etdirə bildi. 2016-cı ilin aprel döyüşləri məhz Ermənistanın müdafiə naziri D.Tonoyanın avantürası idi. Artıq 2016-cı ilin aprel döyüşlərinin nəticəsi Ermənistanda da heç kəsdə şübhə doğurmur. David Tonoyan xaraktercə avantüraya və şantajdan asılı olan şəxsdir.

D.Tonoyan müdafiə naziri təyin olunduqdan uzun müddət onu S.Şoyqu qəbul etmədi. Bu Ermənistanda narahatlıq yaratdı. Rusiya ərazisində keçirilən beynəlxalq hərbi oyunlarda iştirak məqsədilə D.Tonoyan Rusiyada oldu və Şoyqu onu qəbul etdi.

Rusiya müdafiə naziri S.Şoyqu ilə ilk görüşündən dərhal sonra Ermənistan-Azərbaycan dövlət sərhədində və qoşunların təmas xəttində onun avantüraya meylliliyi özünü göstərdi. Şoyqu ilə görüşdən qayıdan kimi Ermənistan ordusu Naxçıvan istiqamətində atəşkəs rejimini pozdu və bir Azərbaycan hərbçisi yaralandı. O Dağlıq Qarabağa gəldi. D.Tonoyanın qoşunların təmas xəttindəki avantürası ona görə reallaşmır ki, Azərbaycan ordusu vəziyyətə kifayət qədər ciddi nəzarət edir. Amma bu o demək deyil ki, Tonoyanın avantürası reallaşmayacaq, reallaşa bilər. Təbii ki, buna da müvafiq  olaraq Azərbaycan hərbçiləri tərəfindən cavab alacaq.

S.Şoyqunun D. Tonoyana birdən-birə etibar etməsi mümkün deyil. Şoyqu Rusiya kimi iri dövlətin müdafiə nazirindən qat-qat böyük statusa malikdir. Naxçıvan istiqamətində Azərbaycan hərbçisinin yaralanması ilə reallaşdırdığı təxribat Tonoyan göstərmək istəyir ki, yenidən Rusiya Ermənistanın dostudur. S.Şoyqu D.Tonoyanın hamisidir, bu sonadək davam edəcək

Nikol Paşinyan hakimiyyətə gəldikdən sonra Rusiya-Ermənistan münasibətləri bütün tarixi boyu belə indiki kimi gərgin vəziyyətdə olmamışdır. Paşinyan KTMT –nin başında oturanı bilərəkdən, Qərbə xoş gəlmək məqsədilə cinayətkara çevirdi. Cəmi 1 gün dözmədi.

Paşinyanın Rusiyanın Ermənistandakı  iqtisadi strukturlarını dağıtması, Kremlə bağlı olan erməniləri Ermənistandan uzaqlaşdırması, Dağlıq Qarabağ məsələsində antierməniliyi gücləndirən NATO ilə əlaqələrini daha da intensivləşdirməsi Kremlin xoşuna gəlmir. İndiki halda Ermənistanda ən arzuolunanı Paşinyan hansı qaydada hakimiyyətə gəlibsə təxminən ona bənzər qaydada hakimiyyətdən rədd olmasıdır.

Bu işi Ermənistanın müdafiə naziri D.Tonoyan reallaşdıra biləcəyi təqdirdə Şoyqunun ondan xoşu gələ bilər, münasibəti müsbətə tərəf dəyişə bilər. D.Tonoyanın aktivliyi, avantüradan asılılığı bu variantı istisna etmir.

Mübariz Əhmədoğlu

Siyasi İnnovasiya və Texnologiyalar Mərkəzinin sədri, politoloq

 

Paylaş:
919

Son xəbərlər

Salyan sakinindən 2 kiloqramdan artıq heroin götürülübBu gün, 14:22Fövqəladə Hallar Nazirliyi tərəfindən daha bir qanunsuz tikili sökülübBu gün, 13:59Deputat: “Dünyada pensiya yaşının azaldılması yox, artırılması müzakirə olunur”Bu gün, 13:45Növbəti köç karvanı Füzuliyə çatıb, mənzillərin açarları təqdim edilib - YENİLƏNİB 1Bu gün, 13:41Bu şəxslərin təhsil haqqını dövlət ödəyəcəkBu gün, 13:34“Əlavə kassasiya qaydasında verilən şikayətlər əksər hallarda təmin olunmur” - Vəkillərdən ŞƏRHBu gün, 13:20Deputatdan TƏKLİF: “Təcili tibbi yardım helikopterləri alınsın”Bu gün, 12:54Azərbaycan cəmiyyəti işğalda olan kəndlərin azad ediləcəyinə inanır? - SORĞUBu gün, 12:41Şənbə günü hava necə olacaq?Bu gün, 12:38Ramazan bayramı günlərində Bakı-Qəbələ qatarları hər gün hərəkətdə olacaqBu gün, 12:28Qızıl və gümüşün bahalaşması davam edirBu gün, 12:21İctimai-iaşə obyektlərinin sahiblərinə çağırışBu gün, 12:15“N” hərbi hissəsində komanda-qərargah təlimi keçirilib - FOTOBu gün, 12:14Siyavuş Novruzov: “Bəzi şəxslər Azərbaycanda da terrorun olmasını istəyirdi”Bu gün, 12:02Azərbaycanda ötən gün 50 kiloqramdan artıq narkotik aşkarlanıbBu gün, 11:51FHN: Ötən sutka 39 yanğına çıxış olub, 57 nəfər təxliyə edilibBu gün, 11:39Sahibə Qafarova iclasda erməni həmkarı ilə görüşündən danışdıBu gün, 11:29Azərbaycan Mərkəzi Bankının valyuta məzənnələriBu gün, 11:20Azərbaycanlı şagird Harvard Universitetinə qəbul olubBu gün, 11:18PAŞA Qrup şirkətləri tərəfindən Novruz bayramı ərəfəsində növbəti sosial aksiya keçirilib - FOTOBu gün, 11:09
Bütün xəbərlər