Kabildə terror qurbanlarının sayı artıb: 29 ölü, 52 yaralı – YENİLƏNİB
Bu gün Kabil Universiteti yaxınlığında törədilən partlayışda ölənlərin sayı 29, yaralananların sayı isə 52 nəfərə çatıb.
1news.az-ın məlumatına görə, bunu "RİA Novosti" agentliyinə açıqlamasında Əfqanıstan Səhiyyə Nazirliyinin təmsilçisi bildirib.
Qeyd edək ki, hadisə Kabil Universitetinin çıxışında törədilib. Terrorçu-kamikadze özünü Novruz bayramını qeyd etməyə toplaşan insanların arasında partladıb.
Terror aktının məsuliyyətini İŞİD qruplaşması üzərinə götürüb.
14:10
Bu gün Kabil Universiteti yaxınlığında güclü partlayış baş verib.
1news.az-ın məlumatına görə, Novruz bayramı şənliyi zamanı baş verən partlayış nəticəsində azı 26 nəfər həlak olub, 18 nəfər isə yaralanıb.
İlkin məlumata əsasən, partlayıcı qurğu terrorçu-kamikadze tərəfindən işə salınıb. Ölənlərin sayının arta biləcəyi istisna olunmur.
Terror aktının məsuliyyətini İŞİD qruplaşması üzərinə götürüb.
1news.az
