Nurməhəmmədovdan inanılmaz təklif – VİDEO
Rusiyalı samboçu, yüngül çəkidə UFC çempionu Həbib Nurməhəmmədov Mahaçqaladakı gecə klublarından birində qvardiya zabitinin qətlindən sonra Dağıstanda belə müəssisələrin bağlanmasını təklf edib.
1news.az-ın Life.ru-ya istinadla verdiyi xəbərə görə, bu barədə o öz Instagram səhifəsində bu tip əyləndirici klubların bağlanmasına çağıran yerli bloqqerin videosunu paylaşaraq yazıb.
“Tam dəstəkləyirəm. Həmvətənlərimə sualım var: bu gecə klubları cəmiyyətimizə nə fayda verir?”, - deyə o bildirib.
Xatırladaq ki, ötən gecə Mahaçqalada Milli Qvardiyanın əməkdaşı davanın qarşısını almağa çalışarkən atışmada həlak olub. Hadisə "Best” kafesininin girişində baş verib.
"RİA-Novosti” agentliyinə məlumatlı mənbə bildirib ki, əlbəyaxa döyüş üzrə dünya çempionu Mahaçqalada bazar günü gecəsi Rusiya Milli Qvardiyasının əməkdaşının qətlində şübhəli hesab olunur.
Agentliyin həmsöhbəti qeyd edib ki, şübhəli şəxs hazırda reanimasiyadadır. Ora girişə icazə verilmədiyinə görə istintaq hərəkətlərinin keçirilməsi üçün imkan yoxdur. Mənbə həmçinin bildirib ki, polis hadisə yerindən qaçaraq gizlənən daha iki şübhəlinin şəxsiyyətini əvvəlcədən müəyyən edib.
S.Xankişiyeva
361
