1news.az

Prezidentdən əhaliyə şad xəbər: Maaş və pensiyalar artacaq - VİDEO

18 Aprel saat 16:15 ~ 1 dəqiqəlik oxu 196
Prezidentdən əhaliyə şad xəbər: Maaş və pensiyalar artacaq - VİDEO

Azərbaycanda problemi kreditlər məsələsi elə səviyyədə həll olundu ki, bunun dünyada bənzəri yoxdur. Bir çox ölkələrdə bu problem mövcuddur. 

1news.az xəbər verir ki, bu fikirləri Prezident İlham Əliyev Bakının Suraxanı rayonunun Qaraçuxur qəsəbəsində əsaslı şəkildə yenidən qurulan Neftçilər parkında sakinlərlə görüşündə deyib. O bildirib ki, Azərbaycanda maaş və pensiyalar bundan sonra da qaldırılacaq:

“Ancaq biz çox ciddi qərar qəbul etdik. Vətəndaşların maraqlarını maksimum nəzərə alan qərar oldu. Yüz minlərlə insan bu fərmandan faydalanacaq. Minimum əməkhaqqı və pensiyanın təxminən 40 faiz qaldırılması da önəmli addımdır. Ancaq onu da deməliyəm ki, bu artım böyük olsa da, bizi qane edə bilməz. Çünki bizdə maaş və pensiyalar bundan sonra da qaldırılacaq. 

Müvafiq göstərişlər verildi. İndi hökumətdə işlər aparılır. Bizim indi maliyyə imkanlarımız artıb. Çünki ölkəmizdə aparılan ciddi iqtisadi islahatlar bizə əlavə gəlirlər gətirdi. Bu ilin əvvəlindən kifayət qədər böyük məbləğ büdcəyə daxil olub və mənim göstərişimlə əlavə yığılan büdcə gəlirləri ilk növbədə vətəndaşların sosial müdafiəsinə, o cümlədən, maaşlar və pensiyaların qaldırılmasına istiqamətləndirilməlidir. 

Bu qərarın mart ayında qəbul olunmasına baxmayaraq, aprelin əvvəlindən sosial müavinətlərin artımı qüvvəyə mindi. Sosial müavinətlər orta hesabla iki dəfə artırıldı. Bu proqram 600 minə yaxın insanı əhatə edib. Bu istiqamətdə işlər davam etdiriləcək”, - prezident əlavə edib.  

1news.az

OXUCULARIN SEÇİMİ
REDAKSİYANIN SEÇİMİ
Rəsmi BÖLMƏSİNDƏN DİQƏR XƏBƏRLƏR

SON XƏBƏRLƏR

yuxarı
Materiallardan istifadə edərkən sayta mütləq istinad olunmalıdır.

© Copyright 2007-2019 "The First News" İnformasiya Agentliyi,,
Bütün hüquqlar qorunur
entonee.net