“Rolls-Royce Motor Cars Baku” nüfuzlu beynəlxalq mükafata layiq görülüb – FOTO
“Rolls-Royce Motor Cars Baku” diler mərkəzi 2018-ci ildə biznesdə nəzərəçarpan irəliləyişi vurğulayan “İlin dileri” nüfuzlu beynəlxalq mükafatına layiq görülüb.
Nəticələr Şanxay şəhərində “Rolls-Royce-ın ən yaxşı dilerləri 2018” mükafatının verilməsi mərasimində elan edilib.
Bu mükafat, 2017-ci il ilə müqayisədə, dilerin 2018-ci ildəki müstəsna nəticələrini göstərir. “Rolls-Royce Motor Cars Baku” diler mərkəzi dünya ölkələri üzrə 133 rəqibini geridə qoyaraq, bu nominasiyada sözsüz lider olub.
“Rolls-Royce Motor Cars Baku” diler mərkəzinin Azərbaycandakı Brend meneceri Nurlan Pənahlı:
“2018-ci il Azərbaycanda Rolls-Royce üçün müstəsna il oldu: mart ayında biz Phantom flaqmanının yeni nəslini, noyabr ayında isə brendin tarixində ilk tam ötürücülü Rolls-Royce olan Cullinan-ı təqdim etdik. 2018-ci ilin nəticələri, yeni modellərin və Rolls-Royce markasının cari portfoliosunun uğurunu əks etdirir və biz aldığımız mükafatla fəxr edirik”.
“Rolls-Royce Motor Cars”ın Regional direktoru, Culian Cenkins deyib:
"Dilerlərimizin uğurlu işinin sayəsində, marka dünyada ən tələbkar müştəri olan Rolls-Royce sifarişçilərinin gözlədikləri nəticələri verir və onlardan daha artıq nəticələr nümayiş etdirir. Bu mükafat “Rolls-Royce Motor Cars Baku” diler mərkəzinin uğurlarını qeyd edir və mən Nurlana Pənahlıya və bütün komandaya yüksək peşəkarlıqlarına və “Rolls-Royce Motor Cars”ın yüksək keyfiyyət standartlarına olan sadiqliklərinə görə minnətdarlığımı bildirmək istərdim".
Reklam hüququnda
