Sahibə Qafarova: İdmanı siyasi oyunlara alət etmək cəhdləri qəbuledilməzdir | 1news.az | Xəbərlər
Siyasət

Sahibə Qafarova: İdmanı siyasi oyunlara alət etmək cəhdləri qəbuledilməzdir

17:03 - 13 / 05 / 2019
Sahibə Qafarova: İdmanı siyasi oyunlara alət etmək cəhdləri qəbuledilməzdir

Qərbdəki ənənəvi anti-Azərbaycan dairələr futbol üzrə Avroliqanın final oyununun keçirilməsinə az vaxt qalmış ədalətsiz və qeyri-obyektiv şəkildə ölkəmizə qarşı həqiqətdən uzaq ittihamlar səsləndirməyə başlayıblar. Biz anti-azərbaycançı mərkəzlər tərəfindən həyata keçirilən bu cür çirkin kampaniyaların əvvəllər də şahidi olmuşuq.

1news.az-ın verdiyi xəbərə görə, bu fikirləri Milli Məclisin deputatı, Azərbaycanın Avropa Şurası Parlament Assambleyasında nümayəndə heyətinin üzvü Sahibə Qafarova deyib.

Deputat bildirib ki, xaricdəki bəzi dairələr Azərbaycanın dünyada nüfuzunun artmasından, onun yüksəksəviyyəli iqtisadi, siyasi, humanitar mərkəzə çevrilməsindən narahatdırlar. Nə zaman Azərbaycan bütün dünyanın diqqət mərkəzində olan tədbirlərə ev sahibliyi edir, bu qərəzli dairələr dərhal fəallaşmağa başlayırlar. Azərbaycan xalqı bu kampaniyanın əsas məqsədinin nədən ibarət olduğunu yaxşı dərk edir. Əlbəttə ki, ölkəmizə qarşı bu cür təzyiqlər qəbulolunmazdır və o, hədəflədiyi nəticəyə çata bilməyəcək. İdmanı belə ucuz siyasi oyunlara alət etmək cəhdləri cəmiyyətimiz tərəfindən qətiyyətlə pislənilir.

Millət vəkili deyib ki, bu gün Azərbaycan dünyada sabitlik adası kimi qəbul olunur. Ölkəmizdə hər bir vətəndaşın, o cümlədən Azərbaycana gələn turistlərin təhlükəsizliyi ən yüksək səviyyədə təmin edilir. Azərbaycan çoxsaylı mötəbər beynəlxalq tədbirlərə, beynəlxalq miqyaslı idman yarışlarına uğurla ev sahibliyi edir. Bu sırada birinci Avropa Oyunları, Dördüncü İslam Həmrəyliyi Oyunları, hər il keçirilən Formula 1 Bakı Qran-Prisi, müxtəlif idman növləri üzrə dünya və Avropa çempionatlarını qeyd edə bilərik. Yeri gəlmişkən, elə UEFA və FIFA bayrağı altında keçirilən görüşlərin də yüksək səviyyədə baş tutduğunu xatırlatmalıyıq. Məlumdur ki, bu günə qədər Bakı istər futbol üzrə dünya və Avropa çempionatlarının seçmə mərhələdəki görüşlərinə, istərsə də UEFA Çempionlar Liqası və Avroliqanın qrup mərhələsindəki oyunlarına ev sahibliyi edib və bu zaman təşkilatçılıq baxımından paytaxtımız heç də Avropanın digər şəhərlərindən geri qalmayıb. Bu idman yarışlarını izləmək məqsədilə ölkəmizə gələn çoxsaylı əcnəbilər Azərbaycanda ictimai asayişin təmin olunmasından, mövcud olan sabitlik və təhlükəsizlik mühitindən və bu kimi böyükmiqyaslı idman tədbirlərinin təşkilatçılığından məmnun qalıblar.

Milli Məclisin deputatının sözlərinə görə, Azərbaycan, həmçinin turizm ölkəsi kimi dünyada nüfuz qazanmağa başlayıb. Bu da təbiidir. Çünki ölkəmizdə turizmin yüksək inkişafına nail olmaq üçün hər cür şərait yaradılıb. “Azərbaycanda hazırda altı beynəlxalq hava limanı fəaliyyət göstərir. Gözəl yollar, xidmət infrastrukturu, otellər, ictimai yerlər yaradılıb. Əlbəttə ki, hər bir turist üçün təhlükəsizlik məsələləri ön planda dayanır. Azərbaycan isə dünyanın ən təhlükəsiz ölkələrindən biridir. Sabitliyə və cinayətkarlığın aşağı səviyyəsinə görə Azərbaycan dünyanın ən əlverişli ölkələri ilə bir sırada durur. Xatırladım ki, dünyada kriminal vəziyyətə dair statistikanı araşdıran Numbeo xidməti tərəfindən hazırlanan hesabatda Bakı 2018-ci ilin ən təhlükəsiz 50 şəhəri sırasında yer alıb. Bütün bunlar turizmin inkişafı üçün əsas şərtlərdir və ölkəmizə turist axınını təmin edir. Təkcə ötən il ölkəmizə 2 milyon 800 min xarici qonaq gəlib. Əlbəttə ki, bu, Azərbaycanın turizm imkanlarına, ölkəmizdəki mövcud ictimai-siyasi sabitlik, təhlükəsizlik mühitinə olan inamın göstəricisidir. Bu gün Azərbaycan turistlər üçün sadələşdirilmiş viza rejimi tətbiq edir və hətta deyərdim ki, dünyada ən sadə viza rejimlərindən biri məhz ölkəmizdə tətbiq olunur. Ölkəmizdə otel qiymətləri bir çox Avropa dövlətlərindən qat-qat ucuz və sərfəlidir, nəqliyyat xərcləri də eyni qaydada. Bütün bunlar isə bir daha Bakının final oyununa ev sahibliyi etməsinin nə dərəcədə yerində olmasını təsdiq edən faktlardır”, - deyə deputat əlavə edib.

Sahibə Qafarova deyib ki, xarici anti-Azərbaycan dairələrin ölkəmizə qarşı bu qərəzli kampaniyası da heç bir nəticə verməyəcək: “Böyük Britaniya Xarici İşlər Nazirliyi və bu mövzuda qərəzli açıqlama verən, idman hadisəsini siyasiləşdirərək Azərbaycan haqqında beynəlxalq ictimai rəyi çaşdırmağa və yanlış yönləndirməyə xidmət edən fikirlər səsləndirən qurum və şəxslərə ən gözəl cavabı yenə də Azərbaycan xalqı verəcək. Bakıda Avroliqanın finalı ən yüksək standartlara uyğun keçiriləcək”.

S.Xankişiyeva

 

 

Paylaş:
837

Son xəbərlər

İki ali məktəbə prorektor təyin edilib28 / 03 / 2024, 17:58Himayədar ailə olma zamanı tibbi müayinə pulsuz olacaq28 / 03 / 2024, 17:51Qubanın bir hissəsinin qaz təchizatında fasilə yaranacaq28 / 03 / 2024, 17:466 aylıq körpə bacısının dırnağını ağzına saldı, xəstəxanalıq oldu28 / 03 / 2024, 17:37Əməkdar artist Rahib Əliyev vəfat edib28 / 03 / 2024, 17:28CAR lideri Prezident İlham Əliyevi təbrik edib28 / 03 / 2024, 17:21Taksilərlə bağlı tələblər müəyyənləşdi - 15 il, kamera, “avro-5”, elektrik mühərrikli - ŞƏRTLƏR28 / 03 / 2024, 16:47Bakı ətrafında dəmir yolu ilə sərnişindaşımaya subsidiya verilməsi qaydaları təsdiqlənib28 / 03 / 2024, 16:34Taksi minik avtomobilləri ağ və ya qırmızı rənglərdə olacaq28 / 03 / 2024, 16:21Builki bayram günlərində yol qəzalarında ölüm faktı 36 faiz azalıb28 / 03 / 2024, 16:06“Azərbaycan Sənaye Bankı” tələbləri pozdu, AMB məcburi sərəmcam verdi28 / 03 / 2024, 15:57FHN və ADY birgə təlim keçirib - FOTO - VİDEO28 / 03 / 2024, 15:34Vilayət Eyvazov Şamaxıda vətəndaşları qəbul edib28 / 03 / 2024, 15:18Bayram günlərində “Azərpoçt”un xidmətlərindən 400 mindən çox vətəndaş istifadə edib28 / 03 / 2024, 15:08“YAŞAT” Fondu müharibə əlilinə dəstək verib28 / 03 / 2024, 14:36“Azərişıq” Göyçayda yenidənqurma işlərinə başlayıb - VİDEO28 / 03 / 2024, 14:30Ekspert taksi islahatlarından danışdı: Birdən-birə 40 min nəfəri işsiz qoymaq doğru deyil28 / 03 / 2024, 14:29Könül Nurullayeva: “ABŞ-Ermənistan-Avropa İttifaqı hərbi paktı regionda sabitliyə, sülhə qarşı yönəlib”28 / 03 / 2024, 14:13Azərbaycanda 23 yeni narkotik vasitə qadağan edilmiş maddələrin siyahısına əlavə olundu28 / 03 / 2024, 13:23Bakı şəhər “Lifttəmir” İB-nin direktoruna şiddətli töhmət verilib, 2 nəfər vəzifəsindən kənarlaşdırılıb28 / 03 / 2024, 13:10
Bütün xəbərlər