Səfir: Azərbaycan-Misir dostluğu möhkəm təməl üzərində qurulub

Bakıda Misirin Milli günü münasibətilə rəsmi qəbul keçirilib.

1news.az xəbər verir ki, dövlət və hökumət rəsmilərinin, diplomatik korpusun, ictimaiyyət nümayəndələrinin iştirak etdiyi tədbirdə əvvəlcə hər iki ölkənin dövlət himnləri səsləndirilib.

Misirin Azərbaycandakı səfiri Adel İbrahim çıxışında ölkəsinin müstəqillik tarixindən söz açıb.

Azərbaycanla əlaqələrdən söz açan diplomat qeyd edib ki, iki ölkənin dostluğu möhkəm təməl üzərində qurulub.

O, ikitərəfli münasibətlərin bundan sonra da inkişaf edəcəyinə əminliyini ifadə edib.

Milli Məclis sədrinin birinci müavini Ziyafət Əsgərov milli bayram münasibətilə Misir xalqını təbrik edib. O bildirib ki, Azərbaycan ilə Misir arasında güclü dostluq əlaqələri mövcuddur və əlaqələrin inkişaf potensialı çox böyükdür. Ziyafət Əsgərov yüksək səviyyəli qarşılıqlı səfərlərin əlaqələrimizin inkişafına mühüm töhfə verdiyini vurğulayıb.

P.Sultanova