Səhiyyə Nazirliyi küləklə donuz qripinin yayılması məlumatını cavablandırdı

Sosial şəbəkələrdə, o cümlədən “WhatsApp” messencerində küləklə birlikdə Azərbaycana donuz qripi virusunun gəlməsi barədə yayılan məlumatlar həqiqətə uyğun deyil.

Ölkəmizdə bu virus yayılmayıb.

1news.az-a Səhiyyə Nazirliyindən verilən xəbərə görə, ümumtəhsil müəssisələrində dərslərin dayandırılması Ekologiya və Təbii Sərvətlər Nazirliyinin havanın kəskin şəkildə dəyişməsi barədə verdiyi xəbərdarlıqla əlaqəlidir.

Vətəndaşlardan xahiş olunur ki, təxribata uymasınlar.

Ölkədə epidimioloji durum tam nəzarət altındadır.

“WhatsApp”da yalan məlumat yayanlar axtarılır

S.Xankişiyeva