Səudiyyəli jurnalistin dəhşətli ölümü: musiqi sədaları altında işgəncə verərək başını kəsiblər - TƏFƏRRÜAT
Səudiyyə Ərəbistanının İstanbuldakı Baş konsulluğunda yoxa çıxan səudiyyəli jurnalist Camal Haşoqqinin (Türkiyə və Azərbaycan mediasında "Hakaci", "Haşoqqi", "Haşıqçı" kimi qələmə verilir, - red.) ilə bağlı yeni səs qeydləri ortaya çıxıb.
1news.az-ın türk mətbuatına istinadla verdiyi xəbərə görə, səs qeydlərindən birində tələm-tələsik Ər-Riyada qaçan baş konsul Məhəmməd Uteybinin ciddi təşviş keçirməsi görünür.
Nəşrin yazdığına görə, Səudiyyə Ərəbistanının vəliəhd şahzadəsi Məhəmməd ibn Salman müxalif jurnalistin aradan götürülməsi üçün Ədliyyə Tibb Qurumunun başçısı da daxil olmaqla, İstanbula 15 adam göndərib. Sənəd üçün konsulluğa gələn Haşoqqinın işgəncələrə məruz qaldığı bildirilir. Məlumata görə, sorgu zamanı ilk olaraq barmaqları qoparılıb, daha sonra başı kəsilib.
Baş konsul Uteybi işgəncə zamanı “Bunu çöldə edin, başımı bəlaya salacaqsınız!” deyib. Jurnalistə işgəncə verənlər isə konsulu “Əgər Ərəbistana gələndə yaşamaq istəyirsənsə, sus!” şəklində xəbərdar edilir.
Qətərin “Əl-Cəzirə” kanalı da cinayətlə bağlı tükürpədici detalları paylaşıb. İddiaya görə, Camal Haşoqqi konsulun kabinetində öldürülüb və cəsədi 7 dəqiqə ərzində hissələrə ayırıblar. Cəsədin hissələrə bölünməsi işini isə səudiyyəli tibb mütəxəssisi Salah Məhəmməd əl-Tubaigi həyata keçirib. O, bu zaman yanındakılarına musiqi dinləməyə məsləhət görüb.
Qeyd edək ki, itkin düşən səudiyyəli jurnalistin ailə qurmaq üçün lazım olan sənədlərə görə oktyabrın 2-də getdiyi konsulluq binasından bir daha çıxmadığı bildirilir.
Şaqqalayıb turşuda əritdilər - Jurnalistin amansız qətli
S.Xankişiyeva
