“Stuage” – sizin uğur biletiniz – FOTO
Sirr deyil ki, xaricdə təhsilini davam etdirmək istəyən azərbaycanlı tələbələrin sayı ildən-ilə artır.
Xarici universitetlərin hər il ödənişi 5-10% artırması böyük dəyişikliyə səbəb olmur. Ailələr övladlarına yaxşı təhsil vermək üçün son vəsaitlərindən belə istifadə etməyə hazırdılar.
Bu ay ərzində bir neçə dəfə mediada adları səslənən iki sahibkar Toğrul Mahmudovun və Mir Mövsüm Dadaşovun yeni yaranmış şirkətinin uğurları 1news.az-in diqqətindən də yayınmadı.
Onlar 2016/17-ci illərdə universitetlərini bitirən kimi, bazardakı boşluğu “Stuage” şirkətini açaraq doldurmağa qərar verdilər. Toğrul Mahmudovun və Mir Mövsüm Dadaşovla daha yaxından tanış olmaq üçün aşağıdakı müsahibəni təqdim edirik:
- Belə bir xidmətə hələ də tələb olduğunu necə təyin etdiniz?
- Mövsüm: Biz ikimiz də, 2012-ci ildə xaricdə oxumağa qərar verdikdə çoxsaylı çətinliklərlə qarşılaşdıq. Bizi yönləndirən bir şirkət və ya bir adam yox idi. Şagirdlərin otuz faizi bu çətinlikləri özu həll edə bilirdi, biz də onlardan idik. O biri yetmiş faiz isə, çıxış yolu tapmaqda əziyyət çəkirdi. Anketlər və akademik sənədlər necə doldurulur, CV-lər hansı formada təqdim olunmalıdır, hansı bölgədə yaşayış daha uyğundu kimi suallar çox aktual idi.
- Toğrul: Amma bu bütün çətinliklərin bir qismidir. Təhsil başlayan zaman, o şagirdlərki “İB” və ya “A-Levels” oxumaqla universitetə baş vurublar, kurs işlərinə və imtahan formatlarına yaxından bələddirlər. Digər tərəfdən isə dövət məktəblərimizi bitirən şagirdlər başqa bir təhsil mühitinə düşərək dərslərin öhtəsindən gəlməkdə çətinlik çəkirlər.
Fotoda: Toğrul Mahmudov
- Bu ay ərzində mediada “Stuage”la bağlı çox sözlər deyilib, amma gənc yaşınıza baxmayaraq, təhsilinizdən və karyeranızdan bir məlumatımız yoxdu. Bunun həm bizə, həm də sizə müraciət edən insanlara maraqlı oluduğunu hesab edirik. Bu haqda nə deyə bilərsiniz?
- Toğrul: Mövsüm ilə birlikdə 2012-ci ildə Bakıda orta məktəbi bitirmişik. Ondan sonra İngiltərənin Bath şəhərində “University of Bath” universitenin, “BSc Accounting & Finance” fakultəsini bitirmişəm. Londonda bir-iki IT layihəsinin üstündə işləyib təhvil verdikdən sonra Bakıya qayıtmışam. “Stuage” layihəsini başlamamışdan əvvəl Azərbaycan Respublikası Dövlət Neft Fondunda və “AzəriTurkBank”-da təcrübə keçmişəm. Hal hazirda Mir Mövsümlə birlikdə şirkətimizdən əlavə, “Bluebit” IT şirkətinin təsisçilərindən biriyəm.
- Mövsüm: Mən də Bakıda orta təhsil aldıqdan sonra Şotlandiyanın Edinburg şəhərində “University of Edinburgh” universitetində “Business & Accounting” fakultəsinin həm bakalavr, həm də magistr dərəcələrini almışam. Edinburqda Azərbaycan cəmiyyətinin yaradıcısı və birinci rəhbəri olmuşam. Cəmiyyətin əsas fəaliyətlərindən biri də Azərbaycanın mədəniyətini və milli ədət-ənənələrinin xaricdə tanıtmaq olub. Mən Bakıya qayıtdığdan sonra “Deloitte” və “EY” kimi şirkətlərdə təcrübə keçmişəm. Hərbi xidmətimi bitirdikdən sonra, “Dünya” məktəbində, İB bölməsində “Business Managament” dərsini deyirəm.
Fotoda: Mir Mövsüm Dadaşov
- Gələcək planlarınız haqqında nə deyə bilərsiniz?
- Toğrul: Bizim əsas məqsədimiz xarici universitetlərə yollanan həmvətənlərimizə əməli yardım göstərməkdir. Buna görə biz, yaxın zamanda, “Stuage” şirkətin adından təlimat xarakterli kitabı çapdan buraxacağıq.
Gələcəkdə şirkətimizin nərzində treninq xarakterli kurslar təşkil etmək və vaxtaşırı təlimatlar çap etdirməkdi.
- Mövsüm: Toğrulun sözlərinə əlavə etmək istəyərdim ki, fikirimiz o kurslarda abituriyentlərdən başqa, valideynlər ücün xüsusi konfraslar təşkil etməkdi. O konfranslarda, valideynlərin qarşısında duran vəzifələrdən danışmaq və onlara dürüst informasiya verməkdir.
- Toğrul: Ümümiyyətlə, əsas məqsədimiz xaricdə təhsil almaq istəyən Azərbaycan gənclərinə düzgün yol göstərmək və seçdikləri ixtisaslar üzrə əlimizdən gələn yardımı etməkdir.
“Stuage” şirkətinin fəaliyyəti ilə bağlı daha ətraflı məlumatı əldə etmək üçün (+99450) 600-70-25, (+99455) 600-70-25 nömrələrinə zəng etməklə və ya www.stuage.com rəsmi saytına müraciət etməklə əldə edə bilərsiniz.
