Ülvi Mehdiyev: Bakıda ASAN Beynəlxalq Assosiasiyası təsis ediləcək | 1news.az | Xəbərlər
Cəmiyyət

Ülvi Mehdiyev: Bakıda ASAN Beynəlxalq Assosiasiyası təsis ediləcək

11:32 - 20 / 06 / 2019
Ülvi Mehdiyev: Bakıda ASAN Beynəlxalq Assosiasiyası təsis ediləcək

2003-cü ildən etibarən hər il BMT tərəfindən Dövlət Xidmətləri Forumu keçirilir. Bu il bu Forumun Bakıda keçirilməsi barədə qərar qəbul edilib.

1news.az xəbər verir ki, bunu Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin("ASAN  xidmət") sədri Ülvi Mehdiyev 24-26 iyun tarixlərində Bakıda keçiriləcək BMT-nin Dövlət Xidmətləri Forumu ilə əlaqədar mətbuat konfransında deyib.

Onun sözlərinə görə, ev sahibi seçilərkən onun dövlət xidmətləri sahəsində gördüyü işlər qiymətləndirilir.

“Azərbaycanda bu sahədə görülən işlər də göz önündədir. "ASAN xidmət" və digər görülmüş işlər bu foruma ev sahibliyi etməyimiz üçün əsas olub”.

Ü.Mehdiyev bildirib ki, bu forum dövlət xidmətlərinin göstərilməsi sahəsində ölkəmizdə təşkil ediləcək  dövlət xidmətlərin göstərilməsi üzrə ilk BMT tədbiridir. BMT baş katibinin müavini,  baş katibin köməkçisi, eyni zamanda quruma üzv 100-dən artıq ölkənin 500-ə yaxın nümayəndəsi qatılacaq.

Onların arasında dövlət xidmətləri üzrə nazirlər, yerli idarəetmə orqanları, akademik dairələrin və özəl sektorun rəhbər şəxsləri də var.

Agentliyin sədri qeyd edib ki, Forumun məqsədi dövlət idarəçiliyi, dövlət xidmətlərinin göstərilməsinin qabaqcıl modelləri, innovasiyalar və bu sahədə aktual olan məsələlər üzrə müzakirələrin aparılması, habelə bu istiqamətdə qabaqcıl təcrübələrin mübadiləsidir.

Tədbir 9 plenar sessiya, seminar və paralel tədbirlərdən ibarət olacaq. Eyni zamanda 5 fərqli kateqoriya üzrə BMT Dövlət Xidmətləri Mükafatının builki qaliblərinin təltif olunması, Dövlət Agentliyi ilə xarici ölkələrin bir sıra qurumları arasında əməkdaşlığa dair müqavilələrin imzalanması planlaşdırılır.

Ü.Mehdiyev əlavə edib ki, Azərbaycan son dövrlər beynəlxalq tədbirlərin keçirildiyi məkana çevrilib.

“Ölkəmiz bu tədbirlər vasitəsilə gördüyü işləri dünyaya çatdırır. Bu forum da bizə belə imkan verəcək”.

O deyib ki, "ASAN xidmət" modeli 100-dən çox iştirakçı dövlətin diqqətinə çatdırılacaq:

“Ölkəmizin bu intelektual məhsulunun ixracına imkanımız olacaq. Bundan əlavə Bakıda Azərbaycanın təşəbbüsü ilə dövlət xidmətləri göstərəcək qurumların ASAN Beynəlxalq Assosiasiyası yaradılacaq. Məqsəd təcrübə mübadiləsi aparmaq, uğurlu təcrübələrin tətbiqidir. Azərbaycanın bu təşəbbüsü BMT tərəfindən dəstəklənib. İlk olaraq 8 ölkənin təşəbbüsü ilə protokol imzalanacaq, daha sonra digər ölkələr də qoşulacaq.

Bundan başqa, Türkiyə ilə Azərbaycan arasında birgə əməkdaşlıq sazişi imzalanacaq. Özbəkistan tərəfi ilə isə hüquqi prosedurlar yekunlaşmaq üzrədir”.

Pərvanə Sultanova

Paylaş:
635

Son xəbərlər

Deputatdan TƏKLİF: “Təcili tibbi yardım helikopterləri alınsın”Bu gün, 12:54Azərbaycan cəmiyyəti işğalda olan kəndlərin azad ediləcəyinə inanır? - SORĞUBu gün, 12:41Şənbə günü hava necə olacaq?Bu gün, 12:38Ramazan bayramı günlərində Bakı-Qəbələ qatarları hər gün hərəkətdə olacaqBu gün, 12:28Qızıl və gümüşün bahalaşması davam edirBu gün, 12:21İctimai-iaşə obyektlərinin sahiblərinə çağırışBu gün, 12:15“N” hərbi hissəsində komanda-qərargah təlimi keçirilib - FOTOBu gün, 12:14Siyavuş Novruzov: “Bəzi şəxslər Azərbaycanda da terrorun olmasını istəyirdi”Bu gün, 12:02Növbəti köç karvanı Füzuliyə çatıb - YENİLƏNİBBu gün, 11:55Azərbaycanda ötən gün 50 kiloqramdan artıq narkotik aşkarlanıbBu gün, 11:51FHN: Ötən sutka 39 yanğına çıxış olub, 57 nəfər təxliyə edilibBu gün, 11:39Sahibə Qafarova iclasda erməni həmkarı ilə görüşündən danışdıBu gün, 11:29Azərbaycan Mərkəzi Bankının valyuta məzənnələriBu gün, 11:20Azərbaycanlı şagird Harvard Universitetinə qəbul olubBu gün, 11:18PAŞA Qrup şirkətləri tərəfindən Novruz bayramı ərəfəsində növbəti sosial aksiya keçirilib - FOTOBu gün, 11:09Milli Məclisin iclası başlayıb, 21 məsələ müzakirə olunacaq - SİYAHIBu gün, 11:02Quş qripi xəstəliyinə qarşı epizootoloji monitorinq keçiriləcəkBu gün, 10:56Azərbaycanda ilk sosial televiziya fəaliyyətə başlayacaqBu gün, 10:44Xankəndidə avtomat və qumbaralar aşkarlanıbBu gün, 10:35Ombudsman 31 Mart – Azərbaycanlıların Soyqırımı Günü ilə əlaqədar bəyanat yayıbBu gün, 10:23
Bütün xəbərlər