İzmir polisi “Petkim”də yoxlamalara başladı

İzmir polisinin terrorizm və mütəşəkkil cinayətkarlıqla mübarizə idarəsi İzmirin Əliağa rayonunda yerləşən “Petkim Petrokimya Holding” neft-kimya kompleksində yoxlamalara başlayıb.

1news.az-ın “Anadolu”ya istinadən verdiyi xəbərə görə, yoxlamalar bu gün səhər tezdən terrorçu təşkilat FETÖ-nün hərbçi  üzvləri tərəfindən iyulun 15-də dövlət çevrilişi cəhdi ilə bağlı aparılan araşdırmalar çərçivəsində aparılır.

Qeyd edək ki, “Petkim”in keçmiş baş direktoru Sadettin Korkut istefa verdikdən az sonra FETÖ ilə əlaqədə şübhəli bilinərək saxlanılıb. Bunda başqa şirkət rəhbərliyində təmsil olunan bir qrup şəxs, eləcə də şirkətin 200-ə yaxın əməkdaşı da eyni səbəbdən istefa verərək işdən çıxıblar.

Xatırladaq ki, “SOCAR Turkey Enerji” və “Petkim Petrokimya Holding”in idarə heyətinin sədri Vaqif Əliyev işçilərin istefa verməsi ilə bağlı məsələyə aydınlıq gətirərkən qeyd edib ki, “Petkim”in fəaliyyət dinamikasının artırılması məqsədilə atılan addımlar çərçivəsində 27 əməkdaşla əmək müqaviləsinə xitam verilib və bu zaman onların bütün qanuni hüquqları təmin edilib.

1news.az