Bu səhər Türkiyə Suriyaya daha bir neçə tank yeritdi

Bu gün Türkiyə Karkamış sərhədində saxladığı hərbi texnikadan bir neçəsini Suriyaya yeridib.

1news.az-ın Milliyet-ə istinadən verdiyi məlumata əsasən, Suriya tərəfə tanklarla birgə digər hərbi nəqliyyat vasitələri də yeridilib.

Xatırladaq ki, dünən gecədən Türkiyə Suriyada “Fərat qalxanı” adlı əməliyyat keçirir.

Əməliyyatın məqsədi İŞİD qüvvələrini və terrorçu PKK-nın Suriya qanadı olan YPG-ni Türkiyə sərhədlərindən uzaqlaşdırmaqdır.

Əməliyyat çərçivəsində Türkiyə ordusu Hələb vilayətində yerləşən Cerablus şəhərini İŞİD-dən saatlar içində təmizləməyə nail olub.

2011-ci ildən bu yana İŞİD, Əsəd qüvvələri və terrorçu YPG ilə mübarizə aparan yerli türkmanlar, müvəqqəti olsa belə, rahat nəfəs ala bilirlər.

1news.az